هه‌یئه‌تا ئیمرالیێ دێ بانگه‌كا دن یا ئۆجالان راگهینه‌

ھەیئەتا ئیمرالیێ یا دەم پارتیێ ژ بۆ ھەڤدیتنا ب رێبەرێ په‌كه‌كێ عه‌بدوللا ئۆجالان رە سه‌ردانا گراڤا ئیمرالیێ كر.

دەم پارتیێ ئیرۆ شەمیێ 24 گولانا 2026ێ راگھاند کو ھەیئەتا وان چوویه‌ ئیمرالیێ، شاند ژ پەرڤین بولدان، میتھات سانجار و فایق ئۆزگور پێک تێ.

ده‌ستنیشان كر، پشتی كو هه‌یئه‌ت ڤه‌دگه‌ره‌ دێ ده‌ربارێ ھەڤدیتنا ب ئۆجالان داخویانیەکە نڤیسکی بدە.

ئەڤ سەردان د دەمەکە وسا دەیە کو زێدەتری 18 مەھن چاڤێ رایا گشتی ئێدی ل گاڤێن یاسایی یێن پێڤاژۆیا چارەسەریێ یە.

ھەیەتا دەم پارتیێ ھەری داوی 27ێ ئادارا ئیسال چووبوو ئیمرالیێ و ب ئۆجالان رە جڤیابوو. ئۆجالان د وێ ھەڤدیتنێ دە خوەستبوو کو پارلامەنتۆیا ترکیەیێ بەرپرسیاریا خوە ب جھ بینە و خوەستبوو کو چارچۆڤەیا یاسایی یا پێڤاژۆیا چارەسەریێ وەرە ئامادەکرن.