نەخشەرێیا نوو یا ئیمرالی ئاشکەرا بوو؛ ژ چەکدانانێ تا کۆچبەرکرنا 200 سەرکردەیێن پەکەکێ
د چوارچۆڤەیێ پێشهاتێن پرۆسەیا ئیمرالیێ دا، رەشنڤیسێ یاسایەکا چوارچۆڤەیی یا ژ 9 خالان پێکدهێت هاتە ئامادەکرن. ل گۆری دەقێ پێشنیازێ، دێ مۆهلەتا سالەکێ بۆ وان چەکدارێن پەکەکێ هێته دان یێن کو چەکێ خۆ ددانن، د هەمان دەم دا دێ بۆ ماوێ 5 سالان قەدەغەیا کارێ سیاسی ل سەر وان هێتە سەپاندن.
پشتی زنجیرهیهكا كۆمبوونان د ناڤبهرا دەزگەهێن ئەمنی یێن تورکیا، سەرۆکێ پەکەکێ عهبدوللا ئۆجالان و سەرکردایەتیا پهكهكێ دا، رهشنڤیسێ پرۆژهیاسایهكا تایبهت ب چهكدانانێ و چارهنڤیسێ رێبهرێن پهكهكێ هاتیە دارێشتن.
مهدیایا تركیهیێ ئیرۆ رۆژا سێشهمی 2 خزیرانا 2026ێ چەندین ووردهكاری و خالێن ڤێ پرۆژهیاسایێ بهلاڤ كرن كو ل سهر سێ تهوهوران هاتنه دابهشكرن:
دۆسیایا ڤهگهرا گهریلایان بۆ تركیهیێ: بۆ وان چەکدارێن دڤێن چەکی دانن و بزڤرنە ناڤ خاکا تورکیا، دێ بۆ ماوێ سالەکێ مافێ پێشکێشکرنا داخوازنامەیان هەبیت.
دۆسیەیا کادرێن رێڤەبەر: دهێتە چاڤەڕێکرن نێزیکی 200 کەسان ژ کادرێن رێڤەبەر یێن رێخستنا پهكهكێ ل شوینا تورکیا، رەوانەی وهلاتێن سێیەم بهێنە کرن.
قۆناغا یاسایی یا پشتی هەلوەشاندنێ: دهقێن یاسایی، ئاوایێ لێپرسین، ڤەکۆلین و دادگەهکرنا ئەندامێن پهكهكێ، دێ پشتی قۆناغا هەلوەشاندنا فەرمی یا پهكهكێ هێنە روهنکرن و دیارکرن.
