سیاسەتمەدارێ کورد مەحموود ئالناک ب تومەتا سڤکاتیکردن ب ئەردۆگانی هاتە گرتن
سیاسەتمەدار، پارێزەر، نڤیسەر و پەرلەمانتارێ بەرێ یێ کورد، مەحموود ئالناک، ل باژێرێ قەرسێ ل باکورێ کوردستانێ هاتە گرتن، پشتی كو دادگههێ ب توهمهتا سڤكاتیكرن ب ئاردۆگانی جهزایێ وێ پهسهند كری.
هێزێن ئەمنی یێن تورکیایێ پشتی کو سزایێ وی ژ لایێ دادگەها بلند ڤە هاتییە پەسەندکرن، مەحموود ئالناک برە زیندانێ. دادگەهێ ب توهمەتا “سڤکاتیکرن ب سەرۆککۆماری” سزایێ سالەک و 2 هەیڤان یێ زیندانیکرنێ دابوو مەحموود ئالناکی.
مەحموود ئالناک ب تومەتا کو د پەرتۆکا خۆ یا ب ناڤێ “مەحمەد تونچ و بێکەس” دا “سڤکاتی ب سەرۆککۆماری کریە”، دۆز ل سەر هاتبوو ڤەکرن.
ئەو پەرتۆک بەحسێ هەڤسەرۆکێ مەجلسا گەلێ جزیرێ “مەحمەد تونچ” و برازایێ وی “بێکەس” دکەت. مەحمەد تونچ د دەمێ قەدەغەیا هاتن و چوونێ دا ل 14ێ کانوونا ئێکێ یا سالا 2015ێ گیانێ خۆ ژ دەست دابوو.
دادگەها بلند (دایرەیا ٤ێ یا جزایان) سزایێ زیندانیکرنێ یێ سالەک و 2 هەیڤان بۆ مەحموود ئالناکی پەسەند کر. پشتره سەرۆکایەتیا داواکاریا گشتی یا کۆماری ل ستەنبۆلێ ئاگەهدارنامەیەک بۆ ئالناکی هنارت.
داواکاریا گشتی ئەو ئاگەهدار کربوو کو دێ سزا د ناڤا 10 رۆژان دا هێتە جێبەجێکرن. ل سەر ڤێ چەندێ، پۆلیسان ئەو ل مالا وی ل قەرسێ دەستەسەر کر. پشتی کو ل دادگەهێ بڕیار ل بەردەم وی هاتە خواندن، مەحموود ئالناک رەوانەی زیندانا قەرسێ هاتە کرن.
