گەرا 4ێ یا فەستیڤالا شەل و شەپکان ب ئامادەبوونا سەرۆک بارزانی دەست پێ کر

ل ئیدارەیا سەربخوەیا زاخۆیێ، گەرا چارێ یا فەستیڤالا زاخۆیێ یا شەل و شەپک و کنجێن کوردی، ئیرۆ چارشەمێ (10ێ خزیرانا 2026ێ) ب ئامادەبوونا سەرۆک مەسعوود بارزانی ب ئاوایەکی فەرمی دەست ب چالاکیێن خوە کر.

فەستیڤال ب ئارمانجا پاراستن و دانەناسینا چاند و کنجێن رەسەنێن کوردی تێ لدارخستن و روومەتەکە مەزن ددە ھونەرا دەستان و کنجێن نەتەوەیی.

ئەڤ چالاکی تەنێ ب نیشاندانا جلووبەرگان سیندۆردار نامینە؛ د ناڤا ھەر دو رۆژێن فەستیڤالێ دا (10 و 11ێ خزیرانێ) بەرنامەیێن پڕەنگ و دەولەمەند ھاتنە ئامادەکرن:

نیشاندانا مۆدەلان: رەنگ و ئاوایێن جھێرەنگێن کنجێن کوردی، ب تایبەتی شەل و شەپکێن رەسەن، تێن پێشکەشکرن.

پانەلێن تایبەت: ب بەشداریا دیزاینەرێن ناڤدار، پسپۆر و کەسێن شارەزا، ل سەر دیرۆک، گرنگی و پاشەرۆژا کنجێن کوردی پانەلێن تایبەت تێن لدارخستن.

چالاکیێن چاندی: د درێژاھیا ھەر دو رۆژان دا گەلەک چالاکیێن ھونەری و چاندییێن جودا جودا برێڤە دچن.