وەلاتیەکی کورد ژ ئالیێ ھێزێن ئیرانێ ڤە ھات کوشتن

ل ھەرێمەکە سینۆرییا باژارێ بانەیێ یێ رۆژھلاتێ کوردستانێ، وەلاتیەکێ کورد ب گولەیێن ھێزێن ئەولەھیێ یێن ئیرانێ ھات کوشتن.

ل گۆری رێخستنێن مافێن مرۆڤانێن رۆژھلاتێ کوردستانێ، ھێزێن ئەولەھیێ یێن ئیرانێ بەرێ سبەھا ئیرۆ ل ھەرێمەکە سینۆری یا باژارێ بانەیێ یێ پارێزگەھا سنەیێ گولە ل  وەلاتیەکی کورد رەشاندن.

د ئەنجاما گولەبارانێ دە وەلاتیێ کوردێ ب ناڤێ موتەلیب خەیبەری جانێ خوە ژ دەست دا.

ئاژانسا نووچەیانا کوردپایێ ل سەر بوویەرێ راگھاند: ھێزێن ئیرانێ ل سینۆرێ چۆمانێ ئەو کەس بێیی ھشیاریا پێشوەخت و ب ھنجەتا ڤەگوھاستنا کەل و پەلێن قاچاخ دا بەر گولەیان و کوشت.

ئاژانسا کوردپایێ ئاماژە ب وێ یەکێ کر، دەما کو ھێزێن ئیرانێ گولە بەری موتەلب خەیبەری دان چ کەل و پەلێن قاچاخ پێ رە نەبوون.

ل گۆری زانیاریان، موتەلب خەیبەری باڤێ دو زارۆکان بوو، وی ڤەگوھاستنە نەخوەشخانەیا بانەیێ و ھەتا نھا رادەستی مالباتا وی نەکرنە.