مەسروور بارزانی و تۆم باڕاک مژارێن ئهولههی و سیاسی گۆتوبێژ كرن
نوونەرێ تایبەتێ سەرۆکێ ئامەریکایێ بۆ ئیراق و سووریەیێ تۆم باڕاک گھیشت باژارێ ھەولێرێ و ل گەل سەرۆکوەزیرێ ھەرێما کوردستانێ مەسروور بارزانی جڤیا.
نوونەرێ تایبەتێ سەرۆکێ ئامەریکایێ دۆنالد ترامپ بۆ کاروبارێن ئیراق و سووریەیێ تۆم باڕاک، ئیرۆ 16ێ خزیرانا 2026ان گھیشت باژارێ ھەولێرێ.
تۆم باڕاک ب سەرۆکوەزیرێ ھەرێما کوردستانێ مەسروور بارزانی جڤیا. د ھەڤدیتنێ دە گەلەک مژارێن گرینگێن د وارێ ئەولەھی و سیاسی هاتن گۆتووبێژکرن.
ل گۆری بەرنامەیا سەردانێ، تێ چاڤەرێکرن کو تۆم باڕاک پشتی ڤێ جڤینێ، ب سەرۆک مەسعوود بارزانی و سەرۆکێ ھەرێما کوردستانێ نێچیرڤان بارزانی رە ژی ھەڤدیتنان پێک بینە.
نوونەرێ تایبەتێ ئامەریکایێ، دوھ دوشەمێ 15ێ خزیرانێ ل بەغدایێ بوو و ب سەرۆکوەزیرێ ئیراقێ عەلی فالح زەیدی رە جڤیابوو.
ئەڤ یەکەمین سەردانا تۆم باڕاک بۆ ھەولێر و بەغدایێ یە ژ دەما کو وەک نوونەرێ تایبەتێ سەرۆکێ ئامەریکایێ بۆ ئیراق و سووریەیێ ھاتیە ئەرکدار کرن.
