راپۆرتا ئیستیخباراتی یا گرینگ: پەکەکە ژ 72 خالان ڤەکشیا و ئارتێشا ترک ل وان جیھان ب جیھ بوو
ھەر چقاس نیقاشێن ل سەر “ئاستەنگیا” پێڤاژۆیێ و مژارا چەکبەردانێ بەردەوام دکن ژی، راپۆرەک نوو یا ئیستیخباراتێ بال کشاندیە سەر خوە. د راپۆرێ دە تێ گۆتن کو پەکەکە ژ 72 جھان ل ھەرێما کوردستانێ ڤەکشیایە و ئارتێشا ترکیەیێ ل ڤان دەڤەران جھ بوویە. لێ پەکەکێ ئەڤ دەڤەرێن کو قالا وان تێ کرن ژ بەرێ دە رادەستی ئارتێشا ترک کر بوون. ھەری داوی دەڤەرا نھێلێ پشتا گوندێ بەلاڤە و گوھەرزێ ژی توونێلێن خوە رادەستی ترکان کرن و د بن جاڤدێرێیا ئارتێشا ترک دە ڤەکشیان دەڤەرا بەرێگارێ.
ناڤێن دەڤەرێن کو پەکەکە ژ وان ڤەکشیایە ئەڤن:
ل گۆری رۆژنامەیا نەفەسێ، پەکەکە ژ 72 جھان ڤەکشیایە، کو ھندەک ژ وان د ناڤ سینۆرێن ھەرێما کوردستانێ دە نە. پەکەکەییان ل گەلیێ مەتینا یێن بەرامبەری چەلێ، قاشورا، دەرار، ھرۆر، کێستە، بێشیلی، زەندورا، سەرەرۆ، بێگۆڤا، نێروە، رێکان، دۆسکی ژۆری، گرێ مامرەشا، چیایێ مەتینا، چییایێ کوورەژاری، دەرگەلێ، میسکا، گۆلکا، بازێ، سپێندارێ، شەرانش،28 ھەرێم ڤالا کرن. گۆلکا، بازێ، سپندار، بەلاڤە، گرێ زەنگل، حەفتەنین، شەرانش، ئامیدیێ، شێلادزێ، کانیماسێ، دێرەلوک، ئاڤاشین-باسیان. ب تەڤاھی 28 ھەرێم ھەرێم ڤالاکرنە.
ھاتە دیارکرن کو ل چیایێ گارە کو بەرێ وەکە ھەرێمێن پاراستنا مەدیایێ دھاتن بناڤکرن و پەکەکێ وەکە “فەرمانداریا ناڤەندا پاراستنا گەل” ب کار دئانین ژی ھاتنە ڤالاکرن: مەیرۆکێ، چەمرەبەتکێ، کانی سارکێ، بەرگارە، پیرز، سیانێ، کافیا، گەلیێ نەھلێ، گەڤەرکێ، مەزرنگانێ، ناڤخۆش، دفری، دوپرێ، قولنی، بامشمش، چەلکێ، سەدارێ، گەلیێ ئۆرھان، ئەرگەنە، دەرییێ ھرچێ، گرێ رەشیت، بیێ، نەران، شکەفتیان، بلندباسانێ، چییایێ خێرێ، کانی مازێ، شکەفتییان، دۆستەکا، ھەسنەکا، چەمانکێ، بەرواری بالا و ھتد.
د نووچەیێ دە ھات گۆتن کو لەشکەرێن کو ل سەر سینۆر ئەرکدارن و نھا ل ھەرێما ئۆپەراسیۆنا پەنچە کلیت ھاتنە بجھکرن، ل ڤان دەڤەرێن کو ژ چەک و تەقەمەنیێن پەکەکێ ھاتنە پاقژکرن، ب جھ بوونە.
پەیمانا ڤەشارتییا د ناڤبەرا پەکەکێ و دەولەتا ترکیەیێ دە
مالپەرا دارکا مازی د راپۆرا خوە یا 28ێ تیرمەھا 2025ێ دە، ب سەرناڤێ “پەکەکە ب دزی ڤە ھندەک چەپەر و چەکێن خوە رادەستی ئارتێشا ترکیێ دکە…”، نڤیساندیە کو پەکەکە تونەلێن خوەیێن ل دۆرا مەتینا و زاپێ رادەستی دەولەتا ترکیێ کرنە.
د رێزە ئۆپەراسیۆنێن ب ناڤێ پەنچە دە کو ژ سالا 2019ێ ڤر ڤە ژ ئالیێ دەولەتا ترکیەیێ ڤە ل سەر ھەرێما کوردستانێ دەست پێ کریە، ھەموو چیایێن ھەری ستراتەژیکێن ھەرێما کوردستانێ ژ ئالیێ دەولەتا ترکیێ ڤە ھاتنە دەستەسەرکرن. پەکەەکە، کو ژ سالا 1992یێ ڤر ڤە ل ڤان لووتکەیان خوە بجھ کر بوو، رەخمێ داخوازییا خەلکێ دەڤەرێ و ھێزێن پێشمەرگێ کوردستانێ کو “وان جھێن دەست خوە دە رادەستی پێشمەرگە بکن کو ئارتێشا ترک نەکەڤیتێ” لێ مخابنی ڤە پەکەکێ ھەموو سەنگەر و دەڤەرێن بن کۆنترۆلا خوە دە ب دلخازی رادەستی دەولەتا ترکیێ کرن.
