ئۆزگوور ئۆزەل سەردانا ئامەد و دیلۆکێ دکە و ئیدیعایێن ل سەر ئاڤاکرنا پارتیەکا نوو گەرم دبن
ھات راگھاندن کو سەرۆکێ کۆما پارتیا گەل یا کۆماری (جەهەپێ) ئۆزگوور ئۆزەل، د چارچۆڤەیا بەرنامەیەکا بەرفرەھا دو رۆژی دە، رۆژا ئینی و شەمبیا بهێت دێ سەردانەکا فەرمی بۆ باژارێن ئامەد و دیلۆکێ ئەنجام بدە. ئەڤ تەڤگەرا سیاسی یا ئۆزەل د دەمەکێ دەیە کو کریزا ناڤخوەیی یا جەهەپێ گھیشتیە ئاستا ھەری بلند و ئیدیعایێن مەزن دەربارێ دابەشبوونا پارتیێ دە تێن زمان.
ل گۆری ئاگاھیێن کو ژ پشتپەردەیا سیاسەتا ئەنقەرەیێ دەرکەتنە، دهێتە ئیدیعاکرن کو ئۆزگوور ئۆزەل پشتی گەشەدانێن داوی بریارا بنیادی دایە کو پارتیەکا نوویا سیاسی ئاڤا بکە. سەدەما سەرەکی یا ڤێ پێنگاڤێ ڤەدەگەرە سەر وێ بریارا دادگەھێ کو کەمال کلچدارئۆغلو ژ نوو ڤە وەکی سەرۆکێ گشتی یێ جەهەپێ ھات دانان و ئەنیا کلچدارئۆغلو ب ئەشکەرە راگھاند کو ئەو ب چ ئاوایی ناچن کۆنگرەیا ئاوارتەیا پارتیێ. ئەڤ گاڤا یاسایی و سیاسی رێ ل بەر دابەشبوونا باسکێن جودایێن جەهەپێ ڤەکریە.
ل ئالیێ دن، د ناڤا کۆریدۆرێن سیاسی دە تێ نیقاشکرن کو د ناڤبەرا ئۆزگوور ئۆزەل و سەرۆکێ بەرێ یێ شارەداریا باژارێ مەزن یا ستەنبۆلێ ئەکرەم ئیمامۆغلو دە کو نھا د گرتیگەھێ دەیە، ل سەر دەما راگھاندنا ڤێ پارتیا نوو ناکۆکیێن کوور ھەنە. ل گۆری زانیاریان، ھەردوو لیدەرێن ئۆپۆزیسیۆنێ د مژارا دەستپێکرنا ڤێ پرۆژەیا نوویا سیاسی دە وەکی ھەڤ نافکرن و نەگەھشتنە لھەڤکرنەکا داوی، کو ئەڤ یەک ژی وەکی کریزەکا نوو د ناڤا باسکێ گوھەرتنخوازان دە تێ نرخاندن.
