ياسايا پێڤاژۆیێ دێ ب ناڤێ «هلوه‌شاندنا رێخستنا په‌كه‌كێ یا ته‌رۆریست» ئاراسته‌ی په‌رله‌مانی وه‌ره‌ كرن !!

تێ چاڤه‌رێكرن حكوومه‌تا تركیه‌یێ پرۆژه‌قانوونه‌كێ ده‌ربارێ پێڤاژۆیا ئاشتیێ بده‌ پارله‌مه‌نا تركیه‌یێ بكه‌، ئاكه‌پێ ژی راگهاند؛ ئه‌ڤ پرۆژه‌ دكاره‌ ل ژێر ناڤه‌كی وه‌ك «پرۆژه‌یاسایا هه‌لوه‌شاندنا رێخستنا ته‌رۆریستی یا په‌كه‌كێ» پێشكیشێ پارله‌مه‌نێ وه‌ره‌ كرن.

ل گۆری ئاگاهیێن ژ چاڤكانیێن پارتیا داد و گه‌شه‌پێدان ئاك پارتیێ، یاسایا چوارچۆڤه‌، یا كو تێ چاڤه‌ڕێكرن ژ 10 تا 11 مادده‌یان پێك وه‌ره‌، دێ ژ بۆ ده‌مه‌كی دیاركری به‌ و ب شه‌رت و مه‌رجێ پشتراستبوونێ ژ چه‌كدانینا ته‌مام یا په‌كه‌كێ و باسكێن وێ وه‌ره‌ ب جیهـ ئانین.

ئاشكه‌ره‌ كرن، پرۆژه‌ یاسا دكاره‌ ل ژێر ناڤه‌كی وه‌ك «پرۆژه‌یاسایا هه‌لوه‌شاندنا رێخستنا ته‌رۆریستی یا په‌كه‌كێ و دانانا چه‌كێ وێ» پێشكیشێ پارله‌مه‌نێ وه‌ره‌ كرن.

ل گۆری چاڤكانیێن ئاكه‌پێ، هه‌گه‌ر ناڤێ رێخستنا په‌كه‌كێ د ناڤونیشانێ پرۆژه‌یاسایێ ده‌ ژی نه‌به‌، ته‌كه‌ز دێ ماده‌یێن ده‌ستپێكێ ده‌ وه‌كه‌ «رێخستنه‌كه‌ ته‌رۆریستی» وه‌ره‌ پێناسه‌كرن.

حكوومه‌تا ترکیەیێ پلان دكه‌ ڤێ پرۆژه‌یاسایێ د 7 ئان ژی 8ێ تیرمەھێ دە (پشتی لووتکەیا ناتۆیێ) پێشکێشی سەرۆکاتیا پەرلەمانا ترکیەیێ بكه‌.

د ناڤەرۆکا پرۆژەیێ دە ئەڤ خالێن سەرەکە ھەنە:

ژ بۆ ڤەگەرا ئەندامێن رێخستنێ دەما سالەکێ تێ دیارکرن.

ئەو کەسێن کو ڤەدگەرن و دەستێ وان د تاوانان دە تونە بە، دێ نەیێن گرتن لێ 5 سالان قەدەغەیا سیاسی ل سەر وان تێ دانین.

ئەڤ ھێسانکاری تەنێ ئەندامێن ئاسایی دگرە ناڤ خوە؛ سەرکردەیێن په‌كه‌كێ ل دەرڤەیی ڤێ قانوونێ نە.

دەربارێ رەوشا رێبەرێ په‌كه‌كێ عه‌بدوللا ئۆجالان دە، حكوومه‌تا ترکیەیێ ھەر جورە ستاتویەکە فەرمی یان سیاسی رەد دکە. ل گۆری پرۆژەیێ، ئۆجالان دێ وەکی گرتیەکی ل گرتیگەھا ئیمرالیێ بمینە، لێ دبە کو د قۆناغێن پێش دە رێ بێ دایین کو رۆژنامەڤان و ئاکادەمیسیەن ھەڤدیتنێ ل گەل بکن.