دهم پارتی: بێیی چاکسازیا د رەوشا ئۆجالان دە، پێڤاژۆیا ئاشتیێ ناگههه چ ئەنجامهكێ
پارلامەنتەرا دەم پارتیێ مەرال دانش بەشتاش راگھاند، ھەتا “مافێ ھێڤیێ” نەیێ بجیکرن و ستاتویا قانوونی یا عهبدوللا ئۆجالان نەیێ ناسکرن، چ پێڤاژۆیێن ئاشتیێ ناگههن ئەنجامێ.
مەرال دانش بەشتاش رەخنەیێن توند ل کۆمیتەیا وەزیران یا کۆنسەیا ئەورۆپایێ گرت کو 12 سالن بریارا دادگەھا مافێن مرۆڤان یا ئەورۆپایێ یا دەربارێ عهبدوللا ئۆجالان دە ناشۆپینە. بەشتاش دەستنیشان کر کو ترکیە ل دژی ھقووقا ناڤدەولەتی ل بەر خوە ددە و سازیێن ئەورۆپی ژی ژ بەر بەرژەوەندیێن سیاسی چاڤێن خوە ژ ڤێ رەوشێ رە دگرن.
بەشتاش بال کشاند سەر “مافێ ھێڤیێ” (مافێ سەربەستبەردانا ب مەرج) و دیار کر، جەزایێ ھەتاھەتا یێ گرانکری یێ کو ل ترکیەیێ تێ سەپاندن، د ئەسلێ خوە دە “جەزایێ ئیعدامێ یێ بێ ناڤە”. بەشتاش گۆت: “مافێ ھێڤیێ د ھقووقێ دە، نە تشتەکی وەکی دبە کو وەرە سەپاندن، لێ فەرمانەکە برێک و پێکە. دڤێ ترکیە دەملدەست د قانوونێن خوە دە گوھەرتنان بکە و ڤی مافی ناس بکە.”
مەرال دانش بەشتاش دەربارێ نیقاشێن نوو یێن ل سەر چارەسەرکرنا پرسا کورد دە گۆت: “برێز ئۆجالان ژ بۆ ئاشتیێ ئاکتۆرەکی بنگەھینە. ژ بۆ کو پرۆسە ب سەلامەتی ب رێڤە بچە، ناسکرنا ستاتویا وی یا قانوونی و ئامادەکرنا زەمینەکێ ژ بۆ ڤێ یەکێ، نەچارییە.”
بەشتاش ھەر وھا رەخنە ل ناکۆکیا د زمانێ دەستھلاتداری و مەدیایێ دە ژی گرت و گۆت: “ژ ئالیەکی ڤە ھوون دبێژن بلا ببە کۆردیناتۆرێ سیاسی، لێ ژ ئالیێ دن ڤە ھوون زمانەکی کریمینالیزە و دژمنکار بکار تینن. ئەڤ یەک جدییەتا پرۆسەیێ ژ ھۆلێ رادکە. ھەتا کو ستاتویا ئۆجالان ب فەرمی نەیێ ناسکرن، چ گاڤێن ئاڤاکەر نایێن ئاڤێتن.”
