4 شهرڤانێن یهرهكێ د ئێریشا سپایێ پاسداران ده جانێ خوه ژ دهستدان
یهرهكێ باسكێ یێك ژ باسكێن پهكهكێ ل رۆژهلاتا كوردستانێ راگهاند؛ کو د ئەنجاما ئۆپەراسیۆنا سپایێ پاسدارێن ئیرانێ دا ل دەڤەرا مهابادێ، 4 شەرڤانێن وان جانێ خوه ژ دهست دان.
ناڤەندا راگەهاندن و چاپەمەنیا یەکینەیێن پاراستنا رۆژهەلاتێ کوردستانێ یهرهكێ، د داخویانیەکێ دا راگەهاند کو د ئەنجاما ئۆپەراسیۆنا سپایێ پاسدارێن ئیرانێ دا ل دەڤەرا مهابادێ، 4 شەرڤانێن وان (2 کهچ و 2 کور) پشتی بەرخودانەکا قەهرەمانانە شههید كهتن.
یهرهكێ دیار کر د دەمەکێ نێزیک دا دێ ناسنامەیا شەهیدان بۆ رایەکا گشتی وهرن ئاشكهره كرن.
د پشکەکا دن یا داخویانیێ دا هاتیە دیارکرن: ئەوان چو جاران هێرش نەکریە سەر رژێما ئیرانێ و ئهو “خەتا سێیەم” پهیرهو دكن، لێبەلێ ئیرانێ پشتی رێککەفتنێن خۆ یێن دوماهیێ دگەل ئامهریکایێ، هێرشێن خۆ ل سهر هێزێن وان زێده كرنه.
یهرهكێ هۆشداری دا کو ئەڤ هێرشە دێ وهرن نرخاندن و ئەگەر بدۆمن، هەلوهستێ وان دێ جودا به و ب چو ئاوایهكی بێی بەرسڤ نامینن.
