سەرۆک بارزانی و سەرۆکێ میتێ ئیبراھیم کالن ل پیرمامێ جڤیان

سەرۆک مەسعوود بارزانی، ئیرۆ چارشەمبێ (1ێ تیرمەھا 2026ێ) ل پیرمامێ پێشوازیا سەرۆکێ دەزگەھا ھەوالگری یا نشتیمانی یا ترکیەیێ (میتێ) ئیبراھیم کالن و شاندەیا لگەل دا کر. د ھەڤدیتنێ دا پێشخستنا پەیوەندیێن پرئالی و رەوشا ئەولەھیێ یا ناڤچەیێ ھاتن نرخاندن.

ل گۆری داخویانیا فەرمی یا کو ژ ئالیێ بارەگەھا بارزانی ڤە ھاتیە وەشاندن، د جڤینێ دا ھەر دو ئالیان ل سەر گەشەدان و گوھەرتنێن داوی یێن ل ھەرێمێ، ل گەل وان ئاستەنگیێن کو دبن مەترسی ل سەر تەناھی و ئەولەھیا دەڤەرێ، دیتن و نێرینێن خوە دیار کرن.

ھەر وھا د روونشتنێ دا، بال ھاتە کشاندن سەر گرینگیا پەیوەندیێن دوئالی و تەکەزی ل سەر خورتکرنا ھەڤاھەنگیا سێ ئالی یا د ناڤبەرا ھەرێما کوردستانێ، ئیراق و ترکیەیێ دا د وارێن جودا جودا دا ھاتە کرن.