بووبێ ئەسەر

ھەگەر ئەم ب ئاوایەکێ بەرفرەھ و ب دووربینێ ل دیرۆکا گەلێن جیھانێ بنێرین. ئەم دێ ب ھەڤرا ببینین کو نڤیساکارێن ھەر وەلاتەکی چاوا کار و خەباتێن ب نڤیسکی کرنە و گەلێ خوە ژ ناڤا شەڤرەشێ دەرخستنە رۆناھیێ. خەلکێن وان دێ چاوا ل ھەمبەر داگیرکەر ئانکو دژمنێ خوە ب رێ و ئۆلاخان تەکۆشین بدە، نڤیساندنە.

نڤیساکارێن وەلاتێن بندەست تم ژ بۆ رێبەر، سەرۆک و پارتیێن خوەیێن سیاسی ب نڤیس و دیتنێن خوە بوونە رەھبەر. وان تم ب نڤیسێن خوە شاشیێن بەرپرس و رێبەرێن وەلاتێ خوە دەستنیشان کرنە دا کو ئەو جارەکا دن شاشیان نەکن.

ھەگەر نڤیسکارێن وەلاتێن بندەست رۆل و ئەرکێن خوە باش بلیزن. دکارن ببن پێشکێشێن ئازادیا گەلێ خوە. ژ بەر ملەتەک ب خوەندن و نڤیساندنێ ب پێشڤە دکەڤە. ملەت ئانگۆ خەلکێن نەخویندەوار تم ل پاشن. ژ بەر ڤێیە نکارن ل گۆر خەتا نەتەوەیی ل وەلاتێ خوە تەڤبگەرن. ژ بەر کو کەسێن نە نەتەوەیی ژی تم شەخسی تەڤدگەرن یان دفکرن.

ھەگەر ل وەلاتەکی ھزرا نەتەوەیی نە خورت بیت. ئازادی و سەربەستیا وی وەلاتی ژی زۆر و زەحمەتە. ژ بەر ڤێ دڤێت رێڤەبرێن وەلاتان و ب تایبەتی یێن کوردستانێ ژ بۆنا پێشکەتنا نڤیسکارێن خوە، چ پیدڤی ھەبیت وێ ئەنجام بدەت.

دەما ئەم ل رەوشا ھەر چار پەرچێن کوردستانێ دنێرین، دبینین کو نڤیسکارێن ھەر پارچەکێ ژی وەکە تەڤگەر و پارتیێن خوەیێن سیاسی ژ ھەڤ بەلا وەلا نە. نە ل سەر ھەڤن. قیمەت و روومەتا ھەڤ وەکە تێ خوەستن ناگرن. لۆما نکارن کارتێکرنێ ل سەر سیاسەتمەدارێن خوە ژی بکن. چ دەما نڤیسکار ببن خوەدی دەزگەھ یان رێخستنەکا خورت و نەتەوەیی ئاھا وێ دەمێ ژی دکارن کارتێکرنەکا ئەرێنی ل سەر رێڤەبرێن وەلاتێ خوە بکن.

د وەلاتێن وەکە کوردستانێ دە ھەگەر نڤیسکارێن ھەیی نە ل ھەڤ بن. د بن سیوانەکی ئانگۆ دەزگەھەکێ دە نە یەک بن. کەد و خەباتێن وان ژی دێ پتر ژ بۆنا شەخسان هێت کرن. لێ ئیرۆ پێویستیا گەلێ مە ژ یەکبوون و ب رێخستبوونا نڤیسکارێن کورد ھەیە.

دەما؛ گاڤا ئەول یا فەدەراسیۆنا نڤیسکارێن کوردستانی ل دیاسپۆرایێ ھاتە ئاڤێتن و ڤەکرن. هەدەف و ئارمانج ژ وێ ئەو بوو کو بکاربە، نڤیسکارێن خوە، رەوشەنبیر و دیرۆکزانێن خوە د بن سیوانا ڤێ ناڤەندێ دە بکە یەک. یەکبوونا وان ژی دێ کوردستانا ئازاد بەرب سەرخوەبوونێ و پەرچێن دن ژی بەرب ئازادیێ دە ببە.

پشتی دامەزراندن ئانگۆ پێک ئانینا فەدەراسیۆنا نڤیسکارێن کوردستانی ل دیاسپۆرایێ یا گرێدایی رەڤەندا کوردستانی. گاڤێن باش و ئەرینێ ھاتن و تێنە ئاڤێتن دا کو ئەو یەکیتیا تێ خوەستن، پێک بێ. ئیرۆ گەلێ مە ژ ھەر دەمێ بێتر پێویستیا وی ژ یەکیتیا ھەمی بەشێن جڤاکێ ھەیە. ژ بەر ڤێیە کو ئەم ژی وەکە رێڤەبرێن ڤێ فەدەراسیۆنێ دو سالن کار دکن دا کو ھەمی نڤیسکارێن کورد یێن دیاسپۆرێ د بن سیوانەکی دە بکن یەک.

ژ بەر ڤێ ئەز دبێژم کو مە گاڤ و ھەولدانێن بەرفرەھ ئاڤێتن کو ھەمی نڤیسکار و رەوشەنبیرێن گەلێ کورد یێن دیاسپۆرایێ ب رێخستنی بکن. ژ بۆنا رێخستنیا وان یا ب ناڤێ  فەدەراسیۆنا نڤیسکارێن کوردستانی ل دیاسپۆرایێ خورت ببە، کار و خزمەتێ دکن.

خورتبوونا فەدەراسیۆنا نڤیسکارێن کوردستانی ل دیاسپۆرایێ ژی تێ وێ رامانێ کو دێ نڤیسکارێن د بن سیوانا ڤێ فەدەراسیۆنێ دە رۆل و ئەرکێن خوە بلیزن. بلیزین دا کو دۆزا گەلێ خوە ل دیاسپۆرایێ و ب گەلێن نڤیسکار و رەوشەنبیرێن جیھانێ بدن زانین کو دڤێت کورد ژی ببن خوەدی دەولەتا خوە.

ژ بەر کو ھەتا کورد نەبن خوەدی دەولەتەکا خوە یا سەربخوە. ئەو ئیمکانێن کو بکاربن وەکە نڤیسکارێن جیھانی کار بکن دێ نەبە. ژ بەر ڤێیە ئەم چقاسی فەدەراسیۆنا نڤیسکارێن کوردستانی ل دیاسپۆرایێ خورت بکن. ئەو ژی دێ ب وێ خورتبوونێ ب ئەرکێن خوە ڤە رابە. ئاھا ئەڤە دێ بیتە گاڤەک ژ بۆنا سەرخوەبوونا باشوورێ کوردستانێ. ژ بەر کو کوردستان د ناڤا چار دەولەتێن دەڤبخوین دا ھاتیە دورپێچکرن. ژ وان تەنێ باشوورێ کوردستانێ ئازادیا خوە ب دەست خستیە و گاڤێن بەرب سەرخوەبوونا دهاڤێژە.

ژ بۆنا ڤێ ژی لازمە کو ئەم ھەمی نڤیسکارێن کورد یێن ل دییاسپۆرایێ ژ بۆنا سەرخوەبوونا باشوورێ کوردستانێ بێژین و بنڤیسینین. ب نڤیسێن خوە ئەم ھەول بدن نڤیسکار و سیاسەتمەدارێن ئەورۆپی بکن دۆستێن خوە. دا کو ئەو ژی داخوازێن گەلێ کورد بگهینن رێڤەبەر و پارلەمەنێن خوە.

ئەم ھەول بدن دا کو کێشەیا کورد د پارلەمەنێن ئەورۆپیان دە بهێت نقاشکرن. ئەم وەکە نڤیسکارێن گەلێ خوە دڤێت ڤێ پێک بینن. دەما مە ئەڤ پێک ئانی، ئاھا وێ دەمێ ژی سەرخوەبوونا باشوورێ کوردستانێ و ئازادیا پەرچێن دن ژی دێ نێزیک ببە.

ژ بۆنا کوردستانەکا سەربخوە، ئازاد و دەمۆکرات دڤێت ئەم ھەمی نڤیسکارێن کورد ژ بۆنا ڤێ سلۆگانێ ببن یەک. دڤێت ئەم ب گشتی خوە د بن سیوانا فەدەراسیۆنا نڤیسکارێن کوردستانی ل دیاسپۆرایێ د بن کۆنێ رەڤەندێ دا بکن یەک.

ژ بلی یەکتیا نڤیسکار، سیاسەتمەدار، رۆناکبیر و رەوشەنبیرێن گەلێ کورد چ رێیەکا مە یا دن تونەیە. لۆما گازی وە ھەمیان دکم کو وەرن ئەم ب ھەڤرە فەدەراسیۆنا نڤیسکارێن کوردستانی ل دیاسپۆرایێ خورت و ب ھێز بکن.

ب ڤێ موناسەبەتێ دخوازم دیار بکم کو دێ کۆنگرەیا مە یا فەدەراسیۆنا نڤیسکارێن کوردستانی ل دیاسپۆرایێ رۆژا 25/7/2026ێ دا ل ئالمانیایێ ل دار بکەڤە. ب ڤێ موناسەبەتێ ئەز کۆنگرەیا مە پیرۆز دکم. ب ھێڤیمە کو ئەم دێ پشتی کۆنگرەیا خوە و ھلبژارتنا کۆمیتەیەکا نوو و چالاک کارێن باشتر بکن.

ئەم ب ھەڤرا خورتترن!!!