ئهحمهد تورک: رەشنڤیسا یاسایێ دێ پێشی ب ئۆجالان رە وەرە پارڤەکرن
سیاسەتمەدارێ کورد ئهحمهد تورک گۆت کو یاسایا پێشنیاركری کو وەک بەشەک ژ پێڤاژۆیا نوو یا ئاشتیێ ھاتیە ئامادەکرن، بەری کو پێشکێشی پارلەمەنتۆیێ وەرە کرن، دێ ب عهبدوللا ئۆجالان رە وەرە پارڤەکرن.
ئهحمهد تورک، یێ کو بەشداری کۆمخەباتا ئاشتی و دیالۆگێ یا کو ل ناڤچەیا قۆسەرا مێردینێ ھاتبوو لدارخستن بوو، نێرینێن خوە یێن ل سەر پێڤاژۆیا نوویا ئاشتیێ پارڤە کرن.
ترک دەستنیشان کر کو وەک بەشەک ژ پێڤاژۆیێ پرۆژهیاسایا ھاتیە ئامادەکرن و گۆت، ” پرۆژهیاسایا تێ ئامادەکرن. گۆتووبێژێن ل سەر ڤێ پرۆژهیاسایێ بەردەوامن. ئەم دزانن کو ئەوێ بەری کو بکەڤە رۆژەڤا پارلامەنتۆیێ، ب برێز ئۆجالان رە ژی وەرە پارڤەکرن.”
ترک تەکەز کر کو ئهڤ پرۆژهیاسایێ دێ ئاشتیەکە بەرفرەھ و ماییندە چێبكه، ئەڤ یەک خوەدی گرینگیەکە مەزنە.
ترک دیار کر کو ئاشتیەکە ماییندە تەنێ ب پشتگریا ھەموو بەشێن جڤاکێ، نە تەنێ ئاکتۆرێن سیاسی، ممکونە و گۆت کو دڤێ ھەموو پارتیێن سیاسی بەشداری ڤێ پێڤاژۆیێ ببن.
ترک گۆت، “چ ژ ئاک پارتیێ، چ ژ جهههپێ ئان ژی مهههپێ بن، دڤێ ھەر کەس، بێیی گرێدانا خوەیا پارتی، بەشداری ڤێ پێڤاژۆیێ ببە. دڤێ ھەر کەس ژ بۆ ئاشتیەکە ماییندە و لیبرال بەرپرسیاریێ بگرە سەر خوە.”
د ئاخافتنا خوە دە، تورک ھەر وھا بال کشاند سەر گرینگیا یەکیتیا سیاسییا د ناڤ دەنگدەرێن کورد دە و ئانی زمان کو پرسگرێک دکارن ب رێیا سیاسەتا دەمۆکراتیک وەرن چارەسەرکرن.
تورک گۆت، “سیاسەت بێیی کوردان نایێ برێڤەبرن” و دەستنیشان کر کو سەردەما ھەیی دەرفەتەکە گرینگە و تەکەزی ل سەر گرینگیا یەکیتی و ھەڤگرتنێ کر دا کو ئەڤ پێڤاژۆ ببە ئالیکار ژ بۆ ئاشتیەکە دەمۆکراتیک و پاشەرۆژەکە دەمۆکراتیک.
