مهدیایا تركیهیێ: پهكهكێ ھەرێما ھەری گرنگ یا گارهی ڤالا کری یە
مەدیایا ترکیەیێ دبێژە کو پهكهكێ ھەرێما ھەری گرنگ یا گارهی ڤالا کریە کو کامپا سێیەم و گرێ بەھارێ ل باشوورێ کوردستانێ ل خوه دگره.
ل گۆری راپۆرێن مەدیایا ترکیەیێ، پهكهكێ د چارچۆڤەیا پێڤاژۆیا ئاشتیێ دە گاڤەکە دن یا پراكتیکی ئاڤێتیە و ھەرێما ھەری گرنگ یا گارێ، کو کامپا سێیەم و گرێ بەھارێ ل باشوورێ کوردستانێ دحەوینە، ڤالا کریە.
ل گۆری راپۆرێ، ئاژانسێن ئەولەھیێ یێن ترکیەیێ ڤالاکرنا ڤان دەڤەران، کو بەرێ دەڤەرێن پڕ ستراتەژیک یێن پهكهكهیێ بوون، پشتراست کرنە.
ئەڤ یەک بوویە سەدەم کو میت ژ بۆ دەرخستنا یاسایەکێ ل سەر پێڤاژۆیێ رۆناهیا کەسک ڤێخە، ژ بەر کو دەرخستنا یاسایێ ب راپۆرا میتێ یا ل سەر گاڤێن پراكتیکی یێن پهكهكهیێ ڤە گرێدایی یە.
ل گۆری مەدیایا ترکیەیێ، دەولەت دێ پرۆژهیاسایهكێ ل سەر پێڤاژۆیێ پێشکێشی ئۆجالان بكه، ئۆجالان نێرینێن خوە ل سەر ڤێ یەکێ ئانیە زمان و لھەڤکرنەک ھاتیە کرن.
رۆژا پێنجشەمێ كهجهكێ د داخویانیەکێ دە گۆت کو نێرینێن ئۆجالان و تەڤگەرا وی ل سەر یاسایێ نەھاتنە بەرچاڤگرتن.
