ل دربێسیێ ل دژی بوھابوون و تێکچوونا رەوشا ژیانێ خوەپێشاندان ھات لدارخستن

ل باژارێ دربێسیێ یێ رۆژئاڤایێ کوردستانێ، ژ بەر گرانبوونا نرخێ سۆتەمەنیێ و خراببوونا شەرت و مەرجێن ژیانێ، وەلاتیان خوەپێشاندانەک ل دار خست.

خەلکێ باژێر ل ناڤەندا دربێسیێ ل ھەڤ جڤیان و نەرازیبوونا خوە ل دژی گرانبوونا کەلووپەلێن بنگەھین و سۆتەمەنیێ نیشان دان. د مەشێ دە خوەپێشاندەران درووشمێن کو بالێ دکشینن سەر زەحمەتیێن ژیانا رۆژانە و کێمبوونا دەرفەتان بەرز کرن.

بەشدارێن خوەپێشاندانێ بانگ ل ئالیێن پەیوەندیدار و رێڤەبەریا ھەرێمی کرن کو بەرپرسیاریێن خوە بینن جھ و ژ بۆ چارەسەرکرنا ڤێ کریزا ئابۆری و سڤککرنا بارێ ل سەر ملێ وەلاتیان، د زووترین دەم دە گاڤێن بەربچاڤ باڤێژن.