چارچۆڤەیا یاسایا ژ بۆ پێڤاژۆیێ دێ سبه‌ دوشەمێ پێشکێشی پارتیان وەرە کرن

چارچۆڤە یاسایا ژ بۆ پێڤاژۆیێ دبە کو ھەفتەیا بێ ل پارلامەنتۆیێ پێشکێشی پارتیێن سیاسی وەرە کرن و شاندەیا ئیمرالیێ ب عه‌بدوللا ئۆجالان رە ھەڤدیتنەکێ بکە.

گوفتووگۆیێن ل سەر چارچۆڤەیا یاسایا ژ بۆ پێڤاژۆیا چارەسەریێ بەردەوام دکن.

سەرۆکێ پارلامەنتۆیێ نومان کورتولموش، د داخویانیێن خوەیێن داوی دە، دەستنیشان کر کو رێزکنامەیێن قانوونی دێ بوویەرەک یەکجاری بن، تایبەتی ژ بۆ پێڤاژۆیێ بن، و چارچۆڤەیا ئامادەکری دێ بەرفرەھ بە.

چاڤکانیێن دەم پارتیێ بەرێ راگھاندبوو کو شاندەیا ئیمرالیێ سێ جڤینێن جودا ب ئاک پارتیێ رە ل دار خستیە و حکوومەتێ پەیاما “ئەم ل سەر قانوونەک بەرفرەھ دخەبتن. یاسایا پێشنیاركری دێ د دەمەک نێزیک دە ب پارتیێن سیاسی رە وەرە پارڤەکرن” دایە.

ئاژانسا مەزۆپۆتامیایێ راگھاند، تێ پایین کو یاسایا پێشنیاركری ژ بۆ پێڤاژۆیێ بگھیژە پارتیێن سیاسی و ھەتا رۆژا دوشەمێ (13ێ تیرمەھێ) وەرە نیقاشکرن. پشتی ڤان نیقاشان، تێ پایین کو ئەندامێن شاندا ئیمرالیێ یا پارتیا دەم پەرڤين بولدان، ميتھات سانجار، و ئۆزگور فایک ئەرۆل دێ ب ئۆجالان رە ل سەر پێشنوومەیێ بجڤن.