کۆمەلەیا شۆرەشگەر یا زەحمەتکێشێن کوردستانا ئیرانێ ب داخویانیەکا فەرمی راگھاند کو پێشمەرگەیەکی وان یێ کو د ئێرشا داوی یا مووشەکی دە ب گرانی بریندار بووبوو، ل نەخوەشخانەیێ شەھید کەتیە. ب ڤێ یەکێ رە ھەژمارا شەھیدێن وان یێن ڤێ ئێرشێ گھیشت 10 کەسان.
ل گۆری زانیاریێن کو د داخویانیا کۆمەلەیێ دە ھاتنە بەلاڤکرن، پێشمەرگە ئەبووبەکر ھۆشەنگی د ئەنجاما بۆمبەبارانکرنا بارەگەھێن وان یێن ل دەڤەرا زرگوێزەلەیێ دە ب گرانی بریندار بووبوو. تەڤلی کو ھەڤالێ وان چەند رۆژان ل بن چاڤدێریا پزیشکی دە مابوو ژی، ژ بەر گرانیا برینێن خوە نەھات رزگارکرن و گھیشت پلەیا شەھادەتێ.
