ھۆشدارییا پێشوەخت یا پهكهكێ: یاسایا بێی ئۆجالان رهدكرییه و ت کەس ووسا ناچە مالێ
رێڤەبەرێ پهكهكهیا هلوهشیایی دوران کالکان بێدەنگیا ل ھەمبەری یاسایا چارچۆڤە و پێڤاژۆیا ئاشتیێ شکاند و راگھاند؛ ت گەریلایەک ب ڤی رەنگی ناچە مالێ و چەکان ژی دانانیە.
دوران کالکان دۆهـ رۆژا سێشەمێ 21ێ تیرمەھا 2026ان تەڤلی بەرنامەیا تەلەڤزیۆنا پهكهكێ مەدیا ھابەرێ بوو و نرخاندن ژ بۆ یاسایا چارچۆڤە و ھەولدانێن داوی یێن پێڤاژۆیا چارەسەریێ کر.
مەرجا سەرەکە ئۆجالانە!
کالکان تەكەز دکە کو ھەتا مەرجێن ژیان و خەباتا ئازاد ژ بۆ عهبدوللا ئۆجالان نەیێن دابینکرن، ت گاڤێن راستین د پێڤاژۆیا ئاشتیێ دە ناچن پێش و گۆت: “ئەڤ زێدەتری 2 مەھانە ھەڤدیتن نەھاتنە کرن؛ ئەڤ یەک نیشان ددە کو دەستھلاتدارییا ترکیەیێ ب جددی نێزی پێڤاژۆیێ نابه.”
دەربارێ یاسایا چارچۆڤە کو پارلامەنتۆیا ترکیەیێ ھەولا پەژراندنا وێ دکە، دوران کالکان گۆت: ھەر یاسایەک تەنێ ژ بۆ “تەسفیەکرن و چەکدانینا گەرڵایان” بە و مافێ ئۆجالان و سیاسەتەکە دەمۆکراتیک تێ دە نەبە، ژ ئالیێ وان ڤە ب تەمامی تێ رەدکرن.
بریارا چەکدانینێ و رۆلا پهكهكێ
دەربارێ بریارا هلوهشاندنا ستراتەژیا شەرێ چەکداری ژی دوران کالکان دیار کر کو تەنێ عهبدوللا ئۆجالان دکارە فەرمانا دانینا چەکان بدە و گۆت: لێ ب ڤی رەوشی ت گهریلایهك ناچە مالێ؛ ئارمانج ڤەکرنا رێیێ یە ژ بۆ سیاسەتەکە دەمۆکراتیک دا کو ھەموو ب ئازادی بەشداری خەباتا سیاسی ببن.
