جڤینا دەم پارتیێ ژ بۆ گەنجێن گەڤەرێ چێکری راستییا پەکەکێ دەرخست هۆلێ
پارتیا ئاشتی و دەمۆکراسیا گەلان (دەم پارتی) ل ناڤچەیا گەڤەرێ یا جۆلەمێرگێ د بن ئالا پەکەکێ دە چالاکیەکا ب ناڤێ “جڤینا گەنجان” ل دار خست. ل گۆری چاڤکانیێن ھەرێمی، بەرتەکا خەلکێ ناڤچەیێ یا ل ھەمبەری ڤێ چالاکیێ گەلەکی سار بوو و ئاستا بەشداریێ ل گۆری جڤینێن بەرێ پڕ کێم بوو.
بەری نها ل گەڤەرێ د چالاکیێن پەکەکێ و دەم پارتیێ دە ب ھەزاران کەس دھاتن جەم ھەڤ، لێ بەلێ ڤێ جارێ خەلکێ ھەرێمێ حەزەکا کێم نیشانی بەرنامەیێن پەکەکێ دا. ھات راگھاندن کو تەڤاھیا بەشدارێن جڤینێ نێزیکی 250 ھەتا 270 کەسان بوو.
ل گۆری داتایێن کو ھاتنە بدەستخستن، ژ ڤی ھەژماری تەنێ نێزیکی 120 کەسان ژ گەنجان پێک دھاتن. چاڤکانی دیار دکن کو نێزیکی 30 گەنجان ژی ل ئالیێن قونجکان رادوەستیان و ژ بەر نەچاریێ د جهێ جڤینێ دە جھ گرتبوون.
ئاستا کێما بەشداریێ و ھەلوەستا نشتەجیھێن گەڤەرێ یێن د ڤێ جڤینێ دە، د ناڤ چاڤدێرێن سیاسی یێن ھەرێمێ دە وەکی گوھەرینەکا بەرچاڤ د نێزیکاتیا خەلکێ یا بەرامبەری چالاکیێن پارتیێ دە ھات نرخاندن.
