یاسایا چارچۆڤەیێ: دەم پارتی دێ پێشنیارێن ئۆجالان پێشکێشی پارتیان بکە

پشتی سەردانا 20ێ تیرمەھێ یا شاندەیا ئیمرالیێ یا گراڤێ و ھەڤدیتنا ب عه‌بدوللا ئۆجالان رە، نیقاشێن ل سەر یاسایا چارچۆڤەیێ زێدە بوون.

ل گۆری ئاگاھیێن ژ ژێدەرێن ئەنقەرەیێ ھاتنە بدەستخستن دەم پارتی، دێ ژ بۆ یاسایا چارچۆڤەیێ سەردانا پارتیێن سیاسی بکە و پێشنیارێن ئۆجالان پێشکەشی پارتیێن سیاسی بکە.

ژ ئالیێ دن ڤە پشتی ھەڤدیتنا ب ئۆجالان رە یا شاندەیا ئیمرالیێ، سەرۆکێ پارلامەنا ترکیەیێ نومان کورتولموش د دەربارێ مژارێ دە سەردانا پارتیێن سیاسی کر و پشتی سەردانان ل پارلامەنێ داخویانیەک دا.

کورتولموش د داخویانیێ دە دیار کر کو ئەو دخوازن ل سەر یاسایا چارچۆڤەیێ یا پێشنیار كری، د ناڤبەرا پارتیێن سیاسی دە ھەماھەنگیەک بھێ پێک ئانین و پارتی پشتی خەباتێن خوە یێن ل سەر یاسایا چارچۆڤەێی ب داوی کرن ئەو بینن رۆژەڤا پارلامەنێ.

رێڤەبەریا تەڤگەرێ و دەم پارتیێ ژی گەلەک جاران ب داخویانییان گرینگیا دیارکرنا ستاتویه‌كه‌ وەک سەرناڤبەینکارێ پێڤاژۆیێ بۆ عه‌بدوللا ئۆجالان دەستنیشان کر بوون.

تێ گۆتن کو رەوشا عه‌بددوللا ئۆجالان دێ ھەتا پشتی قانوونا چارچۆڤە وەرە پاشخستن، و شەرت و مەرجێن خەباتا ئۆجالان دێ وەرن باشترکرن دا کو ئەو بکاربە جڤینێن برێکووپێک بکە.