مستهفا كاراسوو: بێى ئازادييا ئۆجالان پێڤاژۆ بێ واتهیه و بێچهكبوون ب تەنێ نابە چارهسهری
مستهفا كاراسوو ئهندامێ كونسهیا ڕێڤهبهر يا كهجهكێ ئیرۆ راگهاند؛ بێى تهمام یا ئۆجالان، ئاخافتن دهربارێ پێڤاژۆییا ئاشتیێ بێ واتهیه و گۆت: چهكدانین ب تهنێ نابه چاره.
مستهفا كاراسوو ئیرۆ رۆژا یهكشهمی 26 تیرمهها 2026ێ تهڤلی بهرنامهیهكا تهلهفزیۆنا پهكهكێ مهدیا هابهرێ بوو و هن نرخاندن دهربارێ پێڤاژۆیا چارهسهریێ و ههڤدیتنا داوی یا عهبدوللا ئۆجالان كرن.
كاراسوو گۆت: گوههرینێن دهمۆكراتیك ت جاری ژ دهولهتێ نایێن هێڤی كرن، لێی پێویستی ب زهخت و تێكۆشێنا ڕێكخستى یا جڤاكى ههيه.
ههروهها دیار كر، ههڤدیتنا داوین یا ههیئهتا ئیمرالیێ یا دهم پارتیێ ب عهبدوللا ئۆجالان نیشان دا كو كێشه ههنه لێ ههولێن چارهسهريێ ژى ددۆمن و گۆت: ئۆجهلان ئاماژه كرییه كو دڤێ دهولهت ب نهرینهكه بێی هێز و بهرتهنگ نێزی پێڤاژۆیی نهبه.
د مژارا چهكدانینێ ده ژی كاراسوو گۆت: بێچهكبوون ب تەنێ چارهسهریێ ب خوه ره نا ئینه، بهرهڤاژی ڤێ بێچهكبوون كێشهیێن نوو و یێن كوورتر دئافرینه.
دهربارێ ستاتۆیا ئۆجالان ژی ئهندامێ كۆنسهیا كهجهكێ گۆت: مهرجێ سهرهكه ئهڤه كو بێى دابينكرنا ئازاديیا خهباتێ و ل داویێ ژی ئازادییا تهمام یا ئۆجالان، ئاخافتن ل سهر چارهسهری و پێڤاژۆیا ئاشتیێ بێ واتهیه.
ههروهها دیار كر، دڤێ ری ل بهر چالاكيیا سياسى وهره ڤهكرن، زيندانيێن سياسى وهرهن ئازادكرن، و سياسهتمهدارێن ل دهرڤهى وهلاتى بكارن ب سهربهستى ڤهگهرن.
ل داوییا ئاخافاتنا خوه ژی كاراسوو دیار كر كو پێڤاژۆیا ئاشتیێ پێویستی ب ئیرادهیا ههڤپار یا ههموو پێكهاتهیێن تركیێ ههيه. سهركهتنا ڤان ههولان ژی ب تێكۆشێنا مهدهنی و ڕێكخستنا جڤاكى دروست دبه، نه ب چاڤهڕێكرنا گاڤێن ئۆتۆماتيكى یێن دهولهتێ.
