د ناڤبەرا ئاشتی و خاپاندنێ دە؛ ئۆجالان جارهكه دن بانگا خەباتێ بۆ “کۆمارا تركیهیێ” دکە
عهبدوللا ئۆجالان كو دوهـ ب ههیئهتا ئیمرالیێ ره جڤیایه، دانپێدانێ دكه تشتا كو ههتا نها وی كرییه ل دژی گهلێ كورد و دۆزا كوردانه و گۆت: “دڤێ ب روحیهتا ئاڤاكرنا كۆمارا تركیهیێ، ئهم ژ بۆ ئاڤاكرنا كۆمارا دهمۆكراتیك بخهبتن”!.
ھەیئەتا ئیمرالیێ یا دەم پارتیێ کو دوھ ب رێبهرێ پهكهكهیا هلوهشیایی عهبدوللا ئۆجالان رە ھەڤدیتنەک ژ 3 ساعەتان کر، ئەڤ داخویانی دا:
“وەکە ھەیئەتا ئیمرالیێ یا دەم پارتیێ مە ب برێز عهبدوللا ئۆجالان رە 2ێ تەباخا 2026ان ھەڤدیتنەک کر. ئۆجالان پێڤاژۆیا ھەیی، کارێن تێن مەشاندن و یێن ژ بۆ دەما پێش نرخاندن و پەیام ژ رایا گشتی رە پارڤە كرن.
ل گۆری ههیئهتا ئیمرالیێ پەیامێن ئۆجالان ب ڤی رەنگی نە:
رێیا ھەزار کیلۆمەتران ب گاڤەکێ دەستپێ دکە
عهبدوللا ئۆجالان دهربارێ قانوونا چارچووڤهیێ دبێژه: “ب ڤێ قانوونێ رە ژ بۆ چارەسەرکرنا پرسگرێکەکە دیرۆکی ئەم ب رێ دکەڤن. ئەم د دەستپێکا پێڤاژۆیەکە دەمۆکراتیکبوونێ دە نە کو ھەری کێم ب قاسی ئاڤابوونا کۆمارێ گرینگە رێیا ھەزار کیلۆمەتران ب گاڤەکێ دەستپێ دکە”.
“چاوا کو د دەما ئاڤابوونا کۆمارێ دە کەد و فەداکاریەکە مەزن ھاتە کرن، نھا ژی ژ بۆ کۆمارا دەمۆکراتیک دڤێ ب ھەمان جدیەتێ کار بێ کرن”.
ئهڤ نرخاندنا ئۆجالان دانپێدانهكه ئهشكهره و ڤهكرییه كو ژ دهستپێكرنا “پێڤاژۆیا ئاشتیێ” كو تركیه ناڤێ “تركیهیا بێ تهرۆر” لێ دكه و یا كو د ئهسلێ خوه ده “پێڤاژۆیا خاپاندنا كوردانه”، ت تشتهك بۆ كوردان تێ ده تونه و تشتا كو ئۆجالان ههیا رۆژا مه یا ئیرۆ كرییه ههموو ژ بۆی كۆمارا تركیهیێ و حهلاندنا كوردانه.
ئۆجالان ئاخافتنا خوه ووسا دهوام دكه:
ھین ھەر تشت چارەسەر نەبوویە. لێ بەلێ رەوشەکە وەلێ ژی نینە کو مرۆڤ ب رەنگەکی نەگاتیف نێزیک ببە.یا گرینگ ئەوە کو ئەڤ گاڤ راست بێ فێھمکرن و ژ بۆ سەرکەتنا پێڤاژۆیێ ھەر کەس ب بەرپرسیاریێ رابە.
ئهڤ ئاخافتنێن ئۆجالان ب وێ واتهیێ تێن كو دڤێ ههر كهس پێڤاژۆیا ساخته و قانوونا چارچووڤهیێ قهبوول بكه، تهڤی كو ت تشتهك و ت گارانتیهك بۆ كوردان تێ ده تونه. ئۆجالان ڤهكری دبێژه مه ت تشتهك نهكر و ژ بۆی كۆمارا دهمۆكراتیك ئهم ل گاڤا یهكێ یا دووراتییا ههزار كیلۆمهتریێ نه. دڤێ كورد ژی فرۆتنا من یا دۆزا كورد شاش فێم نهكن!
