ل پارێزگەھا نەینەوایێ د سێ گۆرێن بکۆم دە، تەرمێن 37 کەسان ھاتن دیتن. تێ گومانکرن کو ئەڤ تەرم یێن وان پێشمەرگەیان بن کو د شەرێ دژی داعشێ دە وندا ببوون.
رێڤەبەرێ پەیمانگەھا بزیشکی یا دادوەرییا ھەرێما کوردستانێ، د. یاسین کەریم ژ کوردستان24ێ رە راگھاند، ل سینۆرێ پارێزگەھا نەینەوایێ سێ گۆرێن بکۆم ھاتنە دیتن. ل گۆری زانیاریان، ئەڤ گۆر ل ھەرێمێن حەرماتی 1 و حەرماتی ٢یێن ل مووسلێ و ل ھەرێما حەویجەیێ نە.
د. یاسین کەریم دیار کر، د گۆرا ل حەویجەیێ دە 17 تەرم و د ھەر دو گۆرێن حەرماتی دە ژی نێزیکی 20 تەرم ھاتنە دیتن، کو ب گشتی دکە 37 تەرم.
د. یاسین گۆت ژی: “ھەر چەند شاھدێن ل ھەرێمێ دبێژن ئەڤ تەرم یێن پێشمەرگەیانن، لێ ئەم وەک سازیێن فەرمی نکارن بێیی پشکنینا DNA ڤێ یەکێ پشراست بکن. تێستا DNA لێچوونەکە زێدە دخوازە و دڤێ حکوومەتا ئیراقێ ڤێ بودجەیێ دابین بکە.”
