ل دێرسمێ وێنەیێن سەید رزا و چەند رێھەڤالێن وی ھاتن تێکدان

ل پارێزگەھا دێرسمێ یا باکورێ کوردستانێ وێنەیێن سەید رزا و چەند رێھەڤالێن وی ھاتن تێکدان.

دۆھ ئێڤارێ 11ی تەباخا 2026ێ ھنەک کەسان ئێرشی وێنەیێن سەید رزا و رێھەڤالێن وی کر.

ت کەس نەھاتیە دەستەسەرکرن

ھەتا نھا ناسنامەیا کریارێن ڤێ بوویەرێ نەھاتیە ئەشکەرەکرن.

 ھەر وھا ت داخویانیا فەرمی ژی نەھاتیە بەلاڤکرن و ت کەس نەھاتیە گرتن.

دیوارێ 38ێ

دیوارێ 38ێ یێ ل پارێزگەھا دێرسمێ سالا 2012ێ وەکی سەمبۆلەکە دیرۆکی یا ژ بۆ پاراستنا بیرئانینا کۆمکوژییا دێرسمێ یا سالێن 1937-1938 ھاتبوو تەرخانکرن.

سەیید رزا (1863-1937) سەرکردەیەکی ئۆلی و سیاسییێ قزلباش (عەلەوی)یێ کورد بوو.

سالا 1937ێ ل دژی سیاسەتا کۆمارا ترکیەیێ سەرکێشیا سەرھلدانا دێرسمێ کر.

د ئەنجامێ دە ل گەل ھنەک رێھەڤالێن خوە ھات گرتن و 15ی چریا پاشین یا سالا 1937ێ ھات بدارڤەکرن.

ترکیەیێ پشتی سەرھلدانێ ل دێرسمێ کۆمکوژیەکە مەزن کر کو ھەتا ئیرۆ ژی ئامارێن فەرمی و راست نەھاتنە بەلاڤکرن.