قارایلان ئێرشی “یاسایا چارچۆڤەیێ” كر و گۆت پرسگرێكێ چارهسهر ناكه
رێڤهبهرێ پهكهكهیا هلوهشیایی موراد قارایلان راگهاند كو یاسایا چارچووڤهیێ ژ بهر هن سهدهما پرسگرێكێ چارهسهر ناكه و گۆت: “ت تشتهك د یاسایێ ده تونه و مهسهله ههموو وهكی چهكبهردانێ تێ ده هاتییه”.
موراد قارايلان ئيرۆ رۆژا یهكشهمی 16 تهباخا 2026ێ تهڤلی بهرنامهیهكه تهلهفزیۆنا پهكهكێ ستێرك تی ڤیێ بوو و نرخاندن ل سەر “یاسایا چارچۆڤەیێ”یا کو ژ ئالیێ پارلامەنتۆیا ترکیەیێ ڤە ھاتبوو دەرخستن و پێڤاژۆیا چارەسەریێ کرن.
ئهڤ یاسا پرسگرێكێ چارهسهر ناكه
قارایلان دیار کر کو دەرخستنا ڤێ یاسایێ د دیرۆکا کۆمارێ دە تشتەکی نوویە و گەلەکی ھێژایە، لێ ژ بەر کو نێزیکاتیەکە تەنگ د ناڤ دە ھەیە و حەساسیەتێن گەلێ کورد ل بەر چاڤان نەھاتنە گرتن، پرسگرێکێ چارەسەر ناکە.
دەستنیشان کر کو د یاسایێ دە ناڤێ کورد، دەمۆکراسییا گشتی و رۆلا ئۆجالان نەھاتنە بجیھکرن و گۆت: وان خوەستن تەنێ مژارێ بینن سەر چەکبەردانا گەریلایان.
ئهڤ گۆتنێن قارایلان ب واتایا دانپێدانهكه ئهشكهره تێن كو ئهڤ قانوونا ئۆجالان ئهول ب پهژراندنا ئۆجالان چێبووی، ت تشتهكی گرێدای گهلێ كورد و مافێن وان تێ ده تونه و ت تشتهكی ناده كوردان.
قارایلان جارهكه دن وهكه تهڤ رێڤهبهرێن پهكهكێ ههر تشت ب ئۆجالان ڤه گرێدا و وی دیار کر کو ئەگەر ئازادیا فیزیکی یا ئۆجالان پێک نەیێ و ئەو ب خوە تەڤلی پێڤاژۆیێ نەبە، چارەسەری پێک نایێ و وی ئانی زمان: “ئەگەر ئاپۆ بکەڤە دەورێ، ھەڤالان پێشوازی بکە و جڤینان چێبکە، ئەم ئامادە نە ڤێ پێڤاژۆیێ بمەشینن.”
دهربارێ ب داویئانینا شهر و چهكبهردانێ ژی، موراد قارایلان بال كشاند سهر وێ یهكێ كو ئەو ئامادە نە شەر راوەستینن، رووپەلەکە نوو ڤەکن و تێکۆشینا ئازادیێ ل سەر زەمینا سیاسەتا دەمۆکراتیک و ھقووقێ بمەشینن.
