عهلی زەیدی: ئێرشێن ل سەر ئیراق و ھەرێما کوردستانێ ب ت ئاوایی نایێن قەبوولکرن
سەرۆکوەزیرێ ئیراقێ یێ فەدەرال عهلی فالح زەیدی ب رێیا تەلەفۆنێ ل گەل سەرۆکوەزیرێ ھەرێما کوردستانێ مەسروور بارزانی ئاخڤی و ئێرشا درۆنی یا ل سەر ھەولێرێ ب توندی شەرمەزار کر.
سەرۆکوەزیرێ ئیراقێ عهلی زەیدی ئیرۆ 18ێ تەباخا 2026ان، پەیوەندیەکە تەلەفۆنی ل گەل سەرۆکوەزیر مەسروور بارزانی پێک ئانی. د پەیوەندیێ دە، سەرۆکوەزیرێ فەدەرال ئێرشا درۆنی یا کو دوھ ل سەر ئۆفیسا تایبەتا سەرۆکوەزیرێ ھەرێمێ و جھێ مایینا رێڤەبەرێ ئاژانسا پاراستنێ ھاتبوو کرن، شەرمەزار کر.
سەرۆکوەزیرێ فەدەرال زەیدی دیار کر، ئەڤ جورە ئێرشێن ل سەر سەروەرییا ئیراق و ھەرێما کوردستانێ “ب ت ئاوایی نایێن قەبوولکرن.”
ژ ئالیێ خوە ڤە، سەرۆکوەزیر مەسروور بارزانی ژ بۆ ڤێ پەیوەندیێ و شۆپاندنا مژارێ، سپاسیا سەرۆکوەزیرێ فەدەرال کر و تەکەزی ل سەر گرنگیا ھەڤکاری و ھەڤاھەنگیێ ژ بۆ پاراستنا ئاساییش و ئارامیا ئیراق و ھەرێما کوردستانێ کر.
