کۆمیتەیێن نوو بۆ “قانوونا چارچووڤهیێ” ب بهشدارییا ئۆجالان ئاڤا دبن
ھەر چەند قانوونا چارچۆڤەیی یا کو د رۆژنامەیا فەرمی دە ھاتیە وەشاندن دو ئەنجومەنان دحەوینە، یەک د بن جیگرێ سەرۆککۆمار دە ویا دن ژی دێ ل پارلامەنتۆیێ وەرە ئاڤاکرن، کۆمیتەیێن کو دێ سڤیل ژی د ناڤ دە بن ژی ھاتنە رۆژەڤێ. تێ گۆتن کو ئۆجالان ژی دکارە ب ستاتویەک دیارکری د یەک ژ ڤان ئەنجومەنان دە جھ بگرە.
قانوونا کو د رایا گشتی دە وەکی “قانوونا چارچۆڤەیی” تێ زانین، قانوونا ھەژمار ٧٥٩٥ ل سەر “خورتکرنا ھەڤگرتنا نەتەوەیی و ئەنتەگراسیۆنا جڤاکی”، کو گاڤەک بەر ب قانوونیکرنا پێڤاژۆیا “ترکیەیا بێ تەرۆر”ە، د رۆژنامەیا فەرمی دە ھاتیە وەشاندن.
ل گۆری راپۆرا مورات سابونجو ژ T24ێ ره؛ قانوون بەحسا دو کۆمیتەیان دکە، یەک د بن جیگرێ سەرۆککۆمار دە ویا دن ژی دێ ل پارلامەنتۆیێ وەرە ئاڤاکرن. جیگرێ سەرۆککۆمار جەودەت یلماز دیار کر کو جڤینا یەکەم یا کۆمیتەیێ د بن دەستھلاتا وی دە دێ د 24 تەباخێ دە وەرە لدارخستن.
یلماز ھەر وھا دەستنیشان کر کو کۆمیتەیێن ژێر کو ل گۆری پێدڤیێن پێڤاژۆیا بێچەککرن و ھلوەشاندنا پهكهكێ دێ وەرن ئاڤاکرن، دێ د رۆژەڤا جڤینێ دە بن. پرسا گەلۆ ئهڤ کۆمیتە دێ تەنێ ژ بەرپرس و جیگرێن دەولەتێ پێک وەرن، بوویە مژارا نیقاشێ.
کۆمیتەیێن نوو د رۆژەڤێ دە نە
سابونجو د دەربارێ ڤێ رەوشێ دە گۆت، “وەکی رۆژنامەڤانەک کو پێڤاژۆیێ دشۆپینە، جارنان نۆتێن ل سەر جڤینێن کو تێ گۆتن ل ئیمرالیێ تێنە لدارخستن دستینم.” لێبەلێ، ئەز ل سەر ڤێ یەکێ نانڤیسم بێیی کو ھن خالێن حەساس ب کەسان رە پشتراست بکم، کو پرانیا وان سیاسەتمەدارن، کو ئەز باوەر دکم نۆت ژ وان رە ھاتنە شاندن.
ههروهها گۆت: ژ تشتێ کو ئەز دکارم ژ نۆتان فام بکم (و من کاریە بپرسم)، یەک ژ وان داویا تیرمەھێ ویا دن ژی دەستپێکا تەباخێیە، کۆمیتەیێن نوو د رۆژەڤێ دە نە. ئەڤ کۆمیتەیێن جودا نە کو دێ ھەم سڤیل و ھەم ژی بەرپرسێن دەولەتێ د ناڤ خوە دە بگرن. تێ پایین کو یەک ژ ڤان کۆمیتەیان وەکی کۆمیتەیا ئاشتی و سیاسەتکرنێ وەرە بناڤکرن. تێ گۆتن کو ئۆجالان ژی دکارە ب ستاتویەک دیارکری بەشداری ڤێ کۆمیتەیێ ببە”.
