شاندهیا ئیمرالیێ دخوازه روورهشیێن خاپۆ ڤهشێره
شاندهیا ئیمرالیێ راگهاند؛ نۆتێن كو ژ رۆژێن رابووری ڤه ل سهر ناڤێ ئۆجالان تێن پارڤهكرن، چاڤكانییا وان نهزهلاله، شاندهیا ئیمرالیێ رهد نهكر كو ئهڤ نۆت نهیێن ئۆجالانن، د ههمان دهمێ ده ئهو دخوازه ب ڤێ داخویانییا خوه یا ئیرۆ روورهشیێن ئۆجالان و پهیامێن وی یێن دژه كورد ڤهشێره.
عهبدوللا ئۆجالان رێبهرێ پهكهكهیا هلوهشیایی د ههڤدیتنا خوه یا 2 تهباخا 2026ێ ده تشتێن بالكێش گۆتن، وی ئهشكهره و ڤهكری پشتگرییا تام بۆ دهولهتا تركیێ ئیلان كر د ههمان دهمێ ده دژایهتییا ههر تشتێ گرێدای دۆز، ماف و چارهنووسا گهلێ كورد.
ئۆجالان گۆتبوو:
ئەم بەرێ ئالیگرێن سەرخوەبوونێ بوون و نھا ئەم کۆمارپارێزن
ئۆجالان گۆت: «ئەم بەرێ ئالیگرێن سەرخوەبوونێ بوون و نھا ئەم کۆمارپارێزن، سبه، ئەمێ ب قاسی مهههپێ (پارتیا تەڤگەرا نەتەوەپەرەست) ستوونەک زەخم یا ڤێ دەولەتێ بن».
بهلاڤبوونا ڤان ئاخافتنێن ئۆجالان بهرتهكێن مهزن ل پهی هاتن و د مهدیایا جڤاكی ده بوون جیهێ نیقاشێ، لۆما ژی ئیرۆ 23 تهباخا 2026ێ ههیئهتا ئیمرالیێ یا دهم پارتیێ داخویانی دا، وهكه ههولهكێ ژ بۆی ڤهشارتنا ڤان گۆتن و ئاخافتنێن ئۆجالان.
شاندەیا ئیمرالیێ یا دەم پارتیێ دەربارێ بەلاڤبوونا نۆتێن ھەڤدیتنێ ل سەر مەدیایا جڤاکی ب داخۆیانیهكێ ئهشكهره كر كو چاڤكانییا ڤان نۆتان نهدیاره، لێ رهد نهكر كو نهیێن ئۆجالان و تهنێ گۆت: ئهم ڤێ نێزیكاتیێ خهتهر دبینن کو ئارمانج دکن رایا گشتی بخاپینن و پێڤاژۆیێ پرۆڤەکە بکن.
ههیئهتا ئیمرالیێ دخوازه ب ڤێ داخویانییا خوه تشتا كو ئۆجالان گۆتی ڤهشێره و گهل ب خاپینه، لێ یا راست گهلێ كورد ب تهڤاهی گهشتییه وێ باوهرێ كو ئۆجالان ت تشتهك بۆ كوردان و دۆزا وان نهكر، بهلكو بهرهڤاژی ههر تشت بۆ تهپساندنا مافێن كوردان كرییه.
