تهنێ وه سهرپێهاتی ئاڤانهكرن، وه خوه ل پشت زارۆك و جوانێن كوردان ڤهشارت، بهرێ وان دا مرنێ و ئیرۆ هوون هاتنه قالا لههنگییا وان دكن. ئهرێ وان دیرۆك، سهرپێهاتی و لههنگی تۆمار كرن، خاپۆ و پهكهكهیا خوه ژی تهسلیم بوون، روورهشی و شهرمهزاری.
تهنێ د تهنگاسییان ده شههیدان ناس دكه
ب ههزاران جوانێن كوردان مانه یێن كو رێخستنا پهكهكێ ئهو ب دهستێ عهسكهرێن ترك دانه كوشتن و هێژان ژی مرنا وان ئیفشا نهكرنه، پهكهكه ژ دهستپێكا شهرێ خوه یێ ساخته ڤه سیاسهتا پرۆباگاندا كرنێ ب جوانێن كوردان د ساخی و مرنا وان ده د مهشینه، ههر وهختا كهت تهنگاسیێ ههر راست مهلهفا شههیدان تێنه پێش و دبێژه مه ئهوقاس بهدهل دا نه.
رێڤهبهرێ پهكهكهیا هلوهشیایی مورات قارایلان ل رۆژێن رابووری دهركهت مهدیایێ و گۆت: “ئهمێ ناڤێن شهرڤانێن كو د 2017ان، 12018ان و 2019ان ده شههید كهتنه ئیلان بكن”.
وی گۆت: “چما مه ئیلان نهكرن ژ بهر كو ل وێ چاخێ شهر گران بوو، ئاگاهی نههاتن گرتن، ههر شههیدهكی مه چیرۆكهكه خوه ههیه سهرپێهاتیهك دیرۆكی ئاڤا كرییه و ئهمێ نههێلن چیرۆكا ت یێك ژ وان كهتم ببه”.
پهكهكێ پێتری 40 سالان شهرێ چهكداری كر و ل داویێ ل سهر داخوازییا رێبهرێ خوه و مهزنترین نهتهوهپهرستێ ترك دهولهت باهچهلی خوه فهسخ كر و گۆت: “ئهمێ تركیهیێ بهێز و دهمۆكراتیك بكن. جهێ كورد، كوردستان، نهتهوهیا كورد و مافێن كوردان نه د پرۆژهیا فهسخكرنێ ده ههبوو و نهژی د پاشهرۆژا تركیهیێ ده و گاڤێن كو نها ب ناڤێ ئاشتیێ تێن ئاڤێتن تونه”.
ئهو بوو رێخستنهك كرێگرتی یا دهستێ دهولهتێن داگیركهر ل دژی ههر تشتێ ب كورد و كوردستانێ ڤه گرێدایی
پهكهكێ د ڤان 40 سالان ده ب دههان ههزار جوانێن كوردان دان كوشتن، باكورێ كوردستانێ وێران كر، كۆچبهری و قهتلعام و ئینكار و ههر تشت ئانی سهرێ كوردان، نهتهنێ ل باكور، ل باشوور و رۆژئاڤا و رۆژهلات ژی ههمان سیاسهت مهشاند، ئهو بوو رێخستنهك كرێگرتی یا دهستێ دهولهتێن داگیركهر ل دژی ههر تشتێ ب كورد و كوردستانێ ڤه گرێدایی.
ئیرۆ ژی وهكه ژ دهستپێكا خوه ڤه ئهڤ رێخستنا دژه كورد هاتییه و پڕ ب بێئهخلاقی ڤه دبێژه: “هنهك شههیدێن مه ههنه و مه هێژان ئیلان نهكرنه، چما، ژ بهر كو ئاگاهیێن مه نهبوون، شهر گران بوو”. لێ یا راست پهكهكه ژ دهستپێكا دامهزراندنا خوه ڤه ههر دهما راستی شكهستنێ و تهنگاسی و شهرمهزاریێ هاتی، وێ مهلهفا گهریلایێن شههید یێن بهلهنگاز ڤهكرییه و قالا لههنگییا وان دكه، ئانكو پهكهكێ جوانێن كوردان د ساخی و مرنا وان ده بۆ سۆد وهرگرتنێ و بهرژهوهندییا خوه ب كار ئانینه.
ل 2ی تهباخا 2026ان عهبدوللا ئۆجالان د ههڤدیتنا خوه یا ب شاندا ئیمرالیێ ره گۆتبوو: “ئهم بهرێ ئالیگرێن سهرخوهبوونێ بوون، نها ئهم كۆمار پارێزن، ئهز سۆز ددم كو تركیه بهێز بكهڤه و سبه ئهمێ ب قاسی مهههپێ خزمهتا ڤێ دهولهتێ بكن و ب قاسی وێ ستوونهك زهخم یا ڤێ دهولهتێ بن”.
ئهڤ گۆتنێنن ئۆجالان ب ئاوایهكی بهفهرههـ د سۆسیال مهدیایێ ده هاتن پارڤهكرن، بهرتهكێن مهزن یێن گهل ل پهی هاتن و بوون جیهێ نیقاشێ.
پهكهكێ ب ههر ئاوایی ههول دا ڤێ شهرمهزارییا رێبهرێ خوه ڤهشێره و ئاخافتنێن وی بهرهڤاژی بكه، لۆما ژی رێڤهبهرییا پهكهكێ ب داخویانییهكێ گۆت: “تشتا كو ل سهر ناڤێ ئۆجالان تێ پارڤهكرن، نهراسته و ئهم دخوازن ت كهس باوهریێ پێ نهینن”.
