ئاپۆ عاجزه و دبێژه: د سۆسیال مهدیایێ ده پیلانهك ل دژی من ههیه
رێبهرێ پهكهكهیا هلوهشیایی ئیرۆ پهیامهك نڤیسكی دا و تێ ده دبێژه: ههولدانێن هنهك ئالییان ل دژی من كۆمپلۆیه.
عهبدوللا ئۆجالان ل 2ی تهباخا ئیسال 2026ێ ب شاندهیا ئیمرالیێ یا دهم پارتیێ جڤیا بوو و هن پهیام دابوون، وی گۆتبوو: ئهم بهرێ ئالیگرێن سهرخوهبوونێ بوون و نها ئهم كۆمارپارێزن، سبه ژی ئهمێ ب قاسی مهههپێ ستوونهك زهخم یا ڤێ دهولهتێ بن.
ئهڤ گۆتنێن ئۆجالان بهرتهكێن مهزن یێن گهل ل پهی هاتن و د سۆسیال مهدیایێ ده ب ئاوایهكی بهرفهرهـ هاتن پارڤهكرن و گهل رهخنه لێ گرتن.
پشتی داخویایێن دهم پارتیێ و رێڤهبهرییا پهكهكێ وهكه ههولهكێ بۆ ڤهشارتنا ڤان ئاخافتنان، ئیرۆ ئۆجالان ژی پهیامهك نڤیسكی وهشاند و تێ ده گۆتییه: ئهڤ تشتا كو ل سهر ناڤێ من تێ پارڤهكرن، كۆمپلۆیهكه ل دژی من.
پهیاما خاپۆ ووسایه:
“رێزدار سەرۆککۆمار و رێزدار دەڤلەت باھچەلي ئیرادەیا خوە یا بھێز نیشان دان. ل سەر بانگەوازیا من، تێکۆشینا چەکداری ب داوی بوو. پارتیێن سیاسی ژی پشتگرییا دیرۆکی دان. ب ڤی ئاوایی “قانوونا خورتکرنا پەڤگرێدانا نەتەوەیی و یەکیتیا جڤاکی” ھات پەژراندن. کۆمیسیۆنا کو ل گۆری ڤێ قانوونێ ھات ئاڤاکرن، دوھ یەکەمین جڤینا خوە پێک ئانی. ئەڤ نیشان ددە کو پێڤاژۆ ب گاڤێن زەخم پێشڤە دچە.
ئەم گھیشتنە قۆناغەکە کریتیک. د ڤێ سەردەما دیرۆکی دە ھن دەردۆر ھەول ددن پێڤاژۆیێ تێک ببن. ئەڤ ھەولێن وان کۆمپلۆیە و ل دژی منن. گۆتن، دیتن، ناڤ، بەلگە و نۆتێن کو د مەدیایێ و مەدیایا جڤاکی دە بەلاڤ دبن و ب من رە تێنە گرێدان، نە راستن. ئەڤ پارڤەکرن تەڤگەرێن پرۆڤۆکاتیفێن دژبەرێن پێڤاژۆیێ نە.
ئەزێ ھەولدانێن خوەیێن ژ بۆ ئاڤاکرنا ئاشتیا جڤاکی و ھقووقا براتیێ ھین زێدەتر پێش بخم.
ئەز ھەر کەسی و ھەر ئالی ڤەدخوینم کو ب روحێ براتیێ، ب ھشمەندی و ب ھەستیاری نێزیک ببن و ھەول بدن. “
ئۆجالان د ڤێ پهیاما خوه ده دلگرانییا خوه ژ بهرتهكێن گهل نیشان دایه یێن كو گۆتنێن وی یێن دژه كورد رهخنهكرنه كو گۆتبوو “ئهم كۆمارپارێزن و دێ ب قاسی مهههپێ خزمهتا تركیهیێ بكن”، و ئهڤ بهرتهك ب كۆمپلۆیا ل دژی خوه وهسف كرییه، د دهمهكێ ده كۆمپلۆیا ههری مهزن و گرانا ل سهر كورد و كوردستانێ ئهو ب خوه یه.
