ب دهرباسبوونا 3 سالان و تهڤی چهتهیێن بهرهیا نوسره و پشتره تهرۆرا داعشێ، رۆژئاڤا كوردستانێ ب خوینا 22 ههزار كهچ و خۆرتێن كوردان هات پاراستن، پهكهكێ ئهو د چارچووڤهیا یهكینهیێن لهشكری ده ل ژێر ناڤێن یهپهگه، یهپهژه و پاشێ ههسهده ب رێخستن كربوون، ڤان خورتێن رۆژئاڤا ب روح و جانێ خوه، خوه فهدایێ وارێ خوه كرن ژ بۆ كو نهیێ داگیر كرن، لێبهلێ پهكهكێ و عهبدوللا ئۆجالان نهرینهكه دن ههبوون!.
ب نهمانا رهژیما ئهسهد جارهكه دن دهریێن دهرفهتێن دیرۆكی ل پێشییا رۆژئاڤا هاتن ڤهكرن، دیسان ژی یێن كو ئهو دهرفهت ژ دهست رۆژئاڤا برین پهكهكه و ئۆجالان بوون.
ئۆجالان هێڤیێن سهرخوهبوونا ڕۆژئاڤا تێکبرن
ئۆجالان ب بانگا خوه یا سباتا 2025ێ ههر تشت بۆ تركیهیێ هشت، تهڤی سۆزا هلوهشاندنا پهكهكێ، وی سۆزا هلوهشاندنا ستاتۆیا ل رۆژئاڤا ژی ب ئاردۆگان، باخچهلی و دهولهتا تركیهیێ دا و ژێ ره گۆت: “ئهمێ نههێلن سووریه پارچه ببه”.
تهڤی بهرتهكێن شهرمینۆك یێن مهزلووم عهبدی و ئیلهام ئهحمهدێ، لێ فهرمانا ئۆجالان ژ ڤان بهرتهكان مهزنتر بوو و “ئهنتهگراسیۆن” ئانكو تهڤلیبوونا ههمهئالی یا هێزێن كوردان ب ئارتێشا عهرهبییا سووریهیێ ره و حهلیانا گهل یا د ناڤ جڤاكا عهرهبی ده ل بن ناڤێن “جڤاك و سووریهیا دهمۆكراتیك” هات فهرز كرن.
ڤێ ئهنتهگراسیۆنێ چ تشتهك كر؟ ب ھەزاران خۆرت و کەچێن کوردان بۆ پارادیگما ئاپۆ فەدا کرن، مهزلوومێ گهنهرال ژی رۆژئاڤا کوردستان ژ بۆ کۆلهداریێ و ئەنتەگراسیۆنێ فرۆت و ل شهڤا دهرباسبوویی ب فهرمی داوی ل چیرۆكا ئازادی و سهرخوهبوونا ڤێ پهرچهیا وهلات ئانی.
خهمگینییا شاهین چیلۆ بالا مهدیایا كوردی كێشا
تشتا بالكێش و جیهێ خهمگینیێ ئهڤه كو ژ دوهـ ڤه مهدیایا كوردی، ههروها هن شیرۆڤهكارێن سیاسی و ل سۆسیال مهدیایی ژی شیرۆڤه و ئاخافتنێن وان ل سهر دێم و روویێ مهزلووم عهبدی نه، وان پڕ شیرۆڤه و ئاخافتن ل سهر زمانێ جهسته یێ گهنهرالی كرن و دگۆتن و د نڤیساندن: “حهیف و مخابن ئهو چ قاس خهمگینه”!!، لێ یا راست مهزلووم عهبدی ئانكو شاهین جیلۆ ژی بهشهكی ڤێ پیلانا ئۆجالان بوو و ئهو ب ت ئاوایی ناخوازه و نكاره ژی ژ تهعلیمات و فهرمانێن ئۆجالان دهركهڤه.
رێخستنا پهكهكێ 48 سالن تهنێ مالا كوردان تالان دكه، تهنێ كوردان دكوژه و تهنێ وان ئینفاز دكه، 48 سالن نهتهنێ چ دهستكهفتی بۆ كورد و كوردستانێ چێنهكرن، لێ دهستكهفتیێن ههیی ژی و یێن كو وان ب خوینا ههزاران خورت و كهچێن خوه دهستخستین، ژ دهست برن و هلوهشاندن.
