پارێزگاریا دیاربەکرێ راگھاند کو ژ بەر دالقاندنا پۆستەرێن ئەندامێن پەکەکێ ل ھندەک کۆلان و جھان، چار کەس ژ ئالیێ یەکینەیێن ئەولەھیێ ڤە ھاتنە بنچاڤکرن.
ل گۆری داخویانیا نڤیسکی یا پارێزگاریا دیاربەکرێ کو د 30ی تەباخا 2026ێ دە ھاتە بەلاڤکرن، ھەولدانێن بنپێکرنا ئەولەھیێ ھاتنە ئاستەنگکرن و لێپرسینا ل سەر بوویەرێ بەردەوام دکە. د داخویانیێ دە ھاتە دەستنیشانکرن کو تێکۆشینا ل دژی سووج و تەرۆرێ ب بریارداری دۆم دکە.
والیتیێ د داخویانیا خوە دە بال کشاند سەر ڤان خالان:
“دالقاندنا پۆستەرێن ئەندامێن رێخستنا تەرۆریست ل چەند کۆلانان تاکە بوویەرە و بەلاڤی سەرانسەرێ پارێزگەھێ نەبوویە. پشتی تەسپیتکرنا پۆستەران ل چەند دەڤەران، یەکینەیێن مەیێن ئەولەھیێ دەست ب لێکۆلینێ کرن و د ئەنجامێ دە 4 کەسێن کو ئەڤ کریار مەشاندنە ھاتن بنچاڤکرن.”
د بەردەوامیا داخویانیێ دە ھاتە دیارکرن کو کریارێن نەقانوونی یێن کو ئارمانج دکن ئارامیا جڤاکێ و پێڤاژۆیا ئەولەھیێ ئاستەنگ بکن دێ نەیێن تەحەموولکرن و ھەموو ھەولدانێن ب ڤی رەنگی دێ د چارچۆڤەیا یاسایان دە ب بریارداری هێن بەرسڤدان.
ئەڤ د دەمەکێ دە یە کو رۆژانە ژ ئالیێ ئۆجالان و پەکەکێ ڤە بەحسا ئەنتەگراسیۆن و جڤاکا دەمۆکراتیک و ‘پێڤاژۆیا ئاشتیێ’ تێ کرن.
