رۆژنامەیا “حوریهت” یا نێزیکی حکوومەتا ترکیەیێ، ووردهكاریێن نوو دەربارێ پێڤاژۆیەکە چەکدانینا پهكهكێ دە بەلاڤ کرن. ل گۆری نووچەیێ، د بن چاڤدێرییا متێ و ب ھەڤاھەنگیا ھەولێر و بەغدایێ، دێ ب ھەزاران چەکدار چەکێن خوە دەینن.
رۆژنامەیا حوریهتێ بەلاڤ کر، د ناڤبەرا ئەنقەرە، بەغدا، ھەولێر و سلێمانیێ دە مەکانیزمایەکە ھەڤبەش ھاتیە ئاڤاکرن، دا کو داوی ل ھەبوونا چەکدارییا پارتیا کارکەرێن کوردستانێ (پهكهكێ) بێ ئانین. تێ گۆتن کو ئەڤ پێڤاژۆ ب سەرپەرشتیا تەشکیلاتا ھهوالگیرییا ترکیەیێ (میتێ) تێ برێڤەبرن.
ل گۆری زانیاریێن رۆژنامەیێ، تێ پایین کو ھەتا مەھا مژدارا بێ، ئەندامێن پهكهكێ چەکێن خوە دەینن و ڤەگەرن ترکیەیێ. پێڤاژۆیا رادەستکرنا چەکان دێ ل ھەولێر و سلێمانیێ ل گۆری نەخشەرێیەکە دیارکری پێک بێ و ھەموو چەکێن رادەستکری دێ بێن تۆمارکرن.
ھاتە راگھاندن کو میتێ ئەرکێ چاڤدێرییا مەیدانی گرتیە سەر خوە، دا کو پشتراست ببە کو شکەفت و کامپێن ل ھەرێما کوردستانێ ھاتنە ڤالاکرن. پشتی بەرھەڤکرنا زانیارییان، میت دێ راپۆرێن خوە پێشکێشی ئەنجوومەنا ئەولەھیا نەتەوەیی یا ترکیەیێ بکە.
د نووچەیێ دە ھن ئامار ھاتنە دایین:
– تێ پایین کو د ناڤبەرا 7 و 8 ھەزار چەکدارێن پهكهكێ ژ ئیراق و سووریەیێ ڤەگەرن ترکیەیێ.
