ھەڤسەرۆکێن دەم پارتیێ ژ سەرۆک بارزانی رە سەرساخی خوەست
ھەڤسەرۆکێن دەم پارتیێ تولای ھاتیمۆگوڵار و تونجەر باکرھان ژ بەر کۆچا داوییا عەبدولواحد ئیبراھیم شێخ عەبدولسەلام بارزانی ژ مالباتا بارزانیيان و گەلێ ھەرێما کوردستانێ رە سەرساخی خوەست.
ھەڤسەرۆکێن دەم پارتیێ ژ بەر کۆچا داوییا مەزنێ مالباتا بارزانیان پەیاما سەرساخیێ وەشاند.
ھاتیمۆگوڵار و باکرھان د پەیاما خوە دە ژ سەرۆک مەسعوود بارزانی، سەرۆکێ ھەرێما کوردستانێ نێچیرڤان بارزانی، سەرۆکوەزیر مەسروور بارزانی و گەلێ ھەرێما کوردستانێ رە سەرساخی و ھێڤیا سەبرێ خوەستن.
“وی میراتەکە مەزن ل پەی خوە ھشت”
د پەیامێ دە ھات دیارکرن کو شێخ عەبدولواحید نەڤیێ شێخ عەبدولسەلام بارزانی یە و ئەندامەکی ب روومەتێ مالباتا بارزانيیانە و د دیرۆکا کوردان دە جھەکی تایبەت گرتیە و وھا ھات گۆتن:
“شێخ عەبدولواحید دێ ب ناڤ و بیرئانینا خوە بژی. وی میراتەکە مەزن و بیرئانینەکە مهعنهوی ل پەی خوە ھشت کو دێ ھەر تم ب رێزداری وەرە ببیرئانین.”
د پەیامێ دە ژ بلی سەرساخیێ وھا ھات گۆتن:
“ئەڤ نە تەنێ ئێشا مالباتەکێ یە. ئەڤ ئێشا مە ھەموویانە. د رۆژێن دژوار دە ئێشا مە یەکە.”
ھاتیمۆگوڵار و باکرھان پەیاما خوە ب ڤان گۆتنان ب داوی کر:
“خوەدا رەحما خوە ل شێخ عەبدولواحد بکە و جھێ وی بھوشت بە.”
عەبدولواحد ئیبراھیم شێخ عەبدولسەلام بارزانی 4ێ ئیلۆنا 2026ێ ژ بەر نەخوەشیێ کۆچا داوی کربوو.
