سەرۆکێ پارتیا تەڤگەرا نەتەوەپەرەست یا تركیهیێ مهههپێ، شەرتێن سڤککری یێن ژ بۆ عهبدوللا ئۆجالان پشتراست دکە و راگهاند كو ل گراڤا ئیمرالیێ جههك بۆ وی هاتییه چێكرن.
دەولەت باخچەلی كو ب ئهندازیارێ پێڤاژۆیا تركیهیا بێ تهرۆر تێ ناسكرن دهربارێ ڤیلایا كو ب ئۆجالان هاتییه دان ئاخڤی و گۆت: “ل گرتیگەھا ئیمرالیێ، جھێ کو ئۆجالان لێ تێ راگرتن، ژ بۆ سڤککرنا شەرتێن وی و ھێسانکرنا پێوەندییا وی یا ب جیھانا دەرڤە رە، خانیەک ھاتیە چێکرن”.
باھچەلی دیار كر کو ئەو نە “ڤیلا”یە، لێ خانیەکی ب مەزناھیيا نێزیکی 250 مەترایە کو دێ ژ بۆ ئۆجالان هاتییه ئاڤاكرن. وی گۆت: ئەڤ خانیێ نوو دێ رێ بدە سەرۆکێ پهكهكێ کو ب ھێسانی ب جیھانا دەرڤە رە تێکلیێ دەینە، نەمازە دەما کو پەیامێن خوەیێن دەربارێ پێڤاژۆییێ دە ژ رایا گشتی رە رادگھینە.
مژارا چێكرنا ڤیلاییێ ژ بۆی ئۆجالان ل تركیهیێ بوویه مژارا نیقاشێ و رەخنەگرێن پێڤاژۆیا “ترکیەیا بێ تەرۆر” زوو دەست ب رەخنەکرنا باخچەلی کرن و ئیدیعا کرن کو ئۆجالان، تەڤی سووجێن خوە یێن بەرێ، دێ ل گراڤا دەریایا مارمارایێ ژیانەکە لوکس دەرباس بکە.
چهند رۆژان بهرێ، پارلامەنتەرێ بەرێ یێ ئاكهپێ شامل تهییار ل تۆرێن جڤاکی بێتر ئاگاھی پارڤە کرن و گۆت: خانیێ کو باخچەلی بەحس کرییە ڤیلایەک دو قاتییە کو ژ بۆ ژیان و خەباتا ب ھەڤ رە ھاتیە چێکرن.
ڤیلا ب تەڤاھی 250 مەترەچارگۆشەیە و ب باخچەیەک کو ژ دو قاتان زێدەترە دۆرپێچکرییە. ئاڤاھی ھەر وھا ب بنەسازییا تەکنۆلۆژیکا وەکی گرێدانا ئینتەرنێت و ڤیدیۆیێ ب تەڤاھی ھاتیە ساز کرن.
تهییار گۆت کو ئۆجالان ھین ب تەڤاھی نەھاتیە ڤەگوھاستن بۆ وی جهی، لێ ئەو وێ ژ بۆ کارێ خوەیێ نڤیسگەھێ بکار تینە.
هێژای گۆتنێ یه، داخوازیێن ئۆجالان یێن ژ بۆ گوھەرتنا ستاتویا وی یا یاسایی و ئیداری ژ ئالیێ سەرۆککۆمار رەجەپ تاییپ ئەردۆگان ڤە ھاتنە رەد کرن، و ئەردۆگان دبینە کو بەری ئاڤێتنا ھەر گاڤێن پراتیکی، بێچەککرنا رێخستنێ پێویستە.
