سەرۆکوەزیرێ ئیراقێ یەککرنا ھێزێن پێشمەرگەیان پیرۆز کر
سەرۆکوەزیرێ ئیراقێ عهلی زەیدی ژ بەر یەککرنا یەکینەیێن ھێزێن پێشمەرگەیان پیرۆزباھی ل ھەرێما کوردستانێ کر.
عهلی زەیدی ئاماژە ب وێ یەکێ کر کر کو ئەڤ گاڤ ژ بۆ بھێزکرنا ئەولەھیا نەتەوەیی یا ئیراقێ گاڤەکە گرینگە.
سەرۆکوەزیرێ ئیراقێ عهلی زەیدی ئیرۆ ل سەر حەسابێ خوەیێ Xێ پەیامەک بەلاڤ کر و گۆت:
“ئەم ل خەلکێ خوەیێ ل ھەرێما کوردستانا ئیراقێ و ل پێشمەرگەیێن لەھەنگ پیرۆز دکن کو یەکخستنا یەکینەیێن وان د بن بانێ وەزارەتا پێشمەرگەیان دە ب داوی بوو.
ئەڤ یەک ئەولەھیا نەتەوەیی بھێزتر دکە و خەباتا سازوومانی خورتر دکە.”
“گاڤەکە گرینگە ژ بۆ یەکیتیا بریارا پاراستنێ”
عهلی زەیدی دەستنیشان کر کو یەککرنا ھێزێن ئەولەھی و لەشکەری د چارچۆڤەیێن دەستووری و قانوونی دە گاڤەکە گرینگە.
وی ئانی زمان کو زێدەکرنا ھەڤاھەنگیا د ناڤبەرا ھەموو بەش و یەکینەیێن ھێزێن چەکدارێن ئیراقێ دە ژی گەلەکی ب قیمەتە و وھا دۆماند:
“ئەڤ پێنگاڤ د بھێزکرنا ئەولەھیا مەیا نەتەوەیی و یەکیتیا بریارا مەیا پاراستنێ دە خوەدی جھەکی گرینگە.”
گاڤەکە دیرۆکی: پێشمەرگە ب تەمامی بوون یەک
ژ بۆ بداویانینا دابەشبوونا ھێزێن پێشمەرگەیان یا کو ب سالان ئاژۆت، گاڤەکە دیرۆکی ھات ئاڤێتن.
ئیرۆ د مەراسیمەکە فەرمی دە ب سەرپەرەشتیا سەرۆکێ ھەرێما کوردستانێ و فەرماندارێ گشتییێ ھێزێن پێشمەرگەیان نێچیرڤان بارزانی یەکبوونا تەماما ھێزێن پێشمەرگەیێن کوردستانێ ھات راگھاندن.
د ھەمان دەمێ دە ب داویبوونا پێڤاژۆیا چاکسازیێ یا د بن بانێ وەزارەتا پێشمەرگەیان دە ھات ئەشکەرەکرن.
یەکینەیێن 70 و 80 بوون یەک
ئەڤ مەراسیم ب ئامادەبوونا سەرۆکوەزیرێھ ەرێما کوردستانێ مەسروور بارزانی، ئالیکارێ سەرۆکوەزیر قوباد تالەبانی، وەزیرێ پێشمەرگەیان شۆرش ئیسماعیل و بەرپرسێن پایەبلندێن سیاسی و لەشکەری ھات لدارخستن.
ل گۆری ڤێ رێکخستنا نوو، دێ ب دەھ ھەزاران پێشمەرگەیێن گرێدایی یەکینەیێن 70 و 80ێ تەڤلی چارچۆڤەیەکە لەشکەرییا نەتەوەیی و یەکگرتی ببن.
ئەڤ ھێز دێ ئێدی راستەراست بکەڤن بن فەرمانا وەزارەتا پێشمەرگەیان.
