پهكهكێ – پژاکێ ل دژی حسێن یەزدان پەنا و مالباتا وی دەست ب کامپانییا رەشکرنێ کر
ل دژی سەرۆکێ پاکێ حسێن یهزدان پهنا و مالباتا وی د چاپەمەنییێ دە کامپانیایەکە رەشکرنێ ھاتیە دەستپێکرن. چاڤکانییا ڤێ کامپانیایا رەشکرنێ پژاکە، پێکھاتەیا پهكهكەیا ھلوەشییایی ل رۆژھلاتێ کوردستانێ.
سەرۆکێ پاکێ حسێن یهزدان پهنا یەک ژ کەسایەتێن سیاسی یێن ھەری ناسیار یێن بزاڤا سییاسی – لەشکەری یا رۆژھلاتێ کوردستانێ یە. حسێن یهزدان پهنا و مالباتا وی، کو ب چالاکیێن خوە یێن لەشکەری و سیاسی یێن بەربچاڤ تێ ناسین، ب سالانە کو دبن ھەدەفا دەولەتا ئیرانێ. د 4ێ تەباخێ دە، کورێ حسێن یهزدان پهنا، موکری یهزدان پهنا، بەرپرسێ تێکلیێن دەرڤە یێ ئارتێشا مللی یا کوردستانێ، ھاتە تەرۆر کرن. موکری، کو ب گرانی بریندار ببوو ھێژ ژی د بن جاڤدێرییا پزیشكی دا یە.
نھا، حسێن یهزدان پهنا و مالباتا وی، کو بەرێ ژ ئالیێ دەولەتا ئیرانێ ڤە دھاتن ھەدەفگرتن، ژ ئالیێ پهكهكێ ڤە تێنە ھەدەفگرتن. مالباتا یهزدان پهنا و ئەو ب خوە، کو ب داخویانیێن خوە یێن رادیکال و باندۆرا خوە ل رۆژھلاتێ کوردستانێ تێ ناسین، ب نووچەیێن دەرەو و ڤیدیۆیێن چێکری تێنە ھەدەفگرتن.
ژنەکا ئازەری وەکی کەچا حسێن یهزدان پهنا، ھات پێشکێشکرن
ل گۆری حەسابێن مەدیایا جڤاکی یێن گرێدایی پهكهكێ – پژاکێ، ڤیدیۆ تێنە وەشاندن و تێ دە ژنەکێ وەکە کەچا حسێن یهزدان پهنا نیشان ددن. د ڤیدیۆیان دە، ژنەک تێ دیتن کو ب مێر و زارۆکێن خوە رە ل ستەنبۆلێ دگەرە، ئالا ترکیێ بلند دکە و ئەڤینا خوە ژ بۆ ترکیێ دیار دکە و دبێژە، “خوەزی ئەز ترک بامه.” تیما تەکنیکی یا دارکا مازی ئەشکەرە کر کو ئهو ڤیدیۆ یێن ژنەکا ئازەری یا ئیرانی نە و نە کەچا حسێن یهزدان پهنایه. ژ ئالیەکی دن ڤە، حەسابێن ب ھەمان رەنگی ڤیدیۆیان پارڤە دکن کو نیشانێن ژیانەک لوکس یا کو ژ حسێن یهزدان پهنا رە تێ ڤەگۆتن نیشان ددن. ئەڤ حەساب ئیدیعا دکن کو دەما کو یهزدان پهنا ژیانەک لوکس دژی، شەرڤانێن وی یێن پێشمەرگە د برسێ ده نە. چاڤکانیێن پاکێ و چالاکڤانێن رۆژھلاتێ کوردستانێ یێن کو مە پێ رە تێکلی ههنه دیار کرن کو ڤیدیۆ راستیێ نیشان نادن و حسێن یهزدان پهنا د شەرێ داعشێ و ئێریشێن حهشدا شەعبی یێن ل سەر ههولێرێ دە ل کێلەکا پێشمەرگەیێن پارتییا خوە بوو و بەرخوەدانەک مەزن کر. ھەمان چاڤکانی ھەر وھا دیار دکن کو یەزدان پەنا ژ بەر گەفێن ئیرانێ و تیمێن کوژەرێن ئیرانێ ژ رەحەتی و لوکسێن مرۆڤەکێ نۆرمال سوود وەرنەگرتییە و ب بەردەوامی ژیانەکە ب مەترسی دژی.
پژاک پۆلیتیکایا پهكهكێ یا کو ژ بلی خوە ھەر کەسی وەک سیخۆر ئیلان دکە ددۆمینە
پژاک ب ھنجەتێن تهخمینی بەشداری تفاقا پارتیێن رۆژھلاتێ کوردستانێ بوو کو د 22ێ سباتا 2026ێ دە ھاتبوو راگھاندن. لێ ھەلوەستا وێ یا د ناڤا تفاقێ دە، ل ھوندر و دەرڤە ژی، ل سەر ئەساسێ سوودوەرگرتنا ژ تفاقێ و لاوازكرنا وێ یە. ئەڤ نە رەوشەکە نوویە. سیاسەتا پژاکێ یا ئاستەنگکرنا پارتیێن رۆژھلاتێ کوردستانێ، دژمناتییا وان و رەشکرنا سەرۆکێن وان، ب دامەزراندن و سیاسەتا پهكهكێ ڤە گرێدایی یە.
پهكهكێ کو ب تهعلیماتا ئۆجالان یا “پارتیێن کو دێ وەلاتێن کۆلۆنیالیست دەمۆکراتیک بکن ئاڤا بکن” ل چار پارچەیێن کوردستانێ رێخستنێن خوه ئاڤا كرن، ئاڤا کر، د 13ی جۆتمەھا 2003ێ دە پژاک ل قەندیلێ ئاڤا کر.
د پەیمانا ستراتەژیک یا کو جەمیل بایک ب ئیتلاعاتێ رە ل گوندێ سوورەدێ یێ قەندیلێ د زڤستانا 2004ێ دە چێکربوو، ھاتبوو دەستنیشانکرن کو پژاک ببە حهوزا ماسییان کو دەولەتا ئیرانێ تێ دە کوردان لێ کۆم بکە.
ئەرکا گشتی یا پژاکێ ئەو بوو کو نەھێلە کوردێن رۆژھلاتێ کوردستانێ بەر ب پێکھاتەیێن رادیکال ڤە بچن و رێ ل رێخستنێن نەتەوپەروەرێن رۆژھلاتێ کوردستانێ بگرە.
ئەڤ ئەرکا پژاکێ لاوازكرنا ھەموو خەباتێن سیاسی و لەشکەری یێن پشتی وێ دیرۆکێ پێک ئانیبوو دیار کر. ژ سالا 2004ێ ھەتا ئیرۆ پژاکێ رێ نەدایە پارتیێن رۆژھلاتێ کوردستانێ کو ل سەر سینۆر بارەگەھێن پێشمەرگە ئاڤا بکن. ژ گەل رە ژی پرۆپاگاندا کر کو پارتیێن رۆژھلاتێ کوردستانێ پاشڤەروو، گەندەل و لاوازن.
ئەڤ سیاسەتا پژاکێ ھەم ب ئەرکێ کو ئیرانێ دابوو پهكهكێ کو پژاکێ ژ بۆ گەلێ رۆژھلاتێ کوردستانێ وەکە حهوزا ماسییا بکار بینە، ھەم ژی ب سیاسەتا پهكهكێ یا ژ ناڤ برنا قەزییا کوردی رە ھەڤاھەنگ بوو.
پهكهكێ د دیرۆکا خوەیا 50 سالی دە ژ ژبلی خوە، ژ کۆلۆنیالیستان زێدهتر دژمناتییا پێکھاتەیێن کوردان کرییە.
ئێریشێن کو ئیرۆ پژاک د شەخسێ حسێن یهزدان پهنا دە پێک تینە، ب راستی ژی ب ڤێ سیاسەتێ رە ل ھەڤ تێ.
تێ پێشبینیکرن کو پژاک ب بکارئانینا دەرفەتێن مەدیایی و ئەزموونا ئەندەزیارییا جڤاکییا پهكهكێ، ھێدی ھێدی ھەمان ھەلوەستێ ل دژی ھەموو پارتیێن رۆژھلاتێ کوردستانێ ژی بکە.
لێ مخابن ھەتا نھا ژی پارتیێن رۆژھلاتێ کوردستانێ ب تێرا خوە ل سەر ئەرکا راستین یا پژاکێ رۆناکبیر نەبوونە و ل ھەمبەر ڤان پلانێن ڤەشارتی نەکارینە ستراتەژیەکە راست پێش بخن.
