ئۆجالان ژ سیاسەتمەدارێ کورد د. مهحموود عۆسمان چ خوەست بوو؟
پشتی کو عهبدوللا ئۆجالان د 15ێ سباتا 1999ێ دە ل نایرۆبییا کینیایێ ھاتییە گرتن و ژ بۆ گرتیگەھا گراڤا ئیمرالیێ یا ل ترکیەیێ ھاتییە ڤەگوھاستن، قۆناغەکا نوو د یەک ژ دۆزێن سیاسی یێن ھەره ناکۆکێن دیرۆکا نووژەن یا کورد دە دەست پێ کر.
د وێ ھەیامێ دە، ئۆجالان ب رێیا کەسەکی ژ د. مهحموود عۆسمان، کەسایەتیێ سیاسی یێ کورد یێ ناڤدار کو ب ئەزموونا خوە یا بەرفرەھ د سیاسەت و تێکلیێن ناڤنەتەوەیی دە و ب تێگھیشتنا خوە یا کوور یا کاروبارێن ھەرێمی و کوردی تێ ناسین، شیرەت خوەست.
ئۆجالان ژ د. مهحموود عۆسمان پرسی بوو كانێ ئهو چاوا نێزیکی دادگەھێ ببە و چاوا دێ دادگەھێ ژ جیھەکی تەنێ ژ بۆ دادگههكرنا زلامەکی ڤەگوھەرینە پلاتفۆرمەکێ ژ بۆ کو دۆزا کوردی ژ ھێلا رایا گشتی یا ترک و ناڤنەتەوەیی ڤە وەرە بھیستن.
شیرەتا د. مهحموود عۆسمان زەلال و راستەراست بوو:
“قەت ب ترکی نەئاخڤن. وەرگێرەکی بخوازن و ژ وان رە ببێژن کو ھوون نزانن ب ترکی بئاخڤن. بلا جیھان ببینە کو سەدەمەکێ وە ھەیە، کو ھوون ژ بەر سەدەمەک سیاسی تێنە دادگههكرن، نە تەنێ وەکی تهوانبارهك. دادگەھێ بکن دەرفەتەک ژ بۆ کو دۆزا خوە بگھینن جیھانێ.”
شیرەت نە تەنێ مەسەلەیا زمان بوو؛ ئەو نهرینهك بوو ژ بۆ ڤەگوھەراندنا دادگهههكرنێ ژ بۆ پەیامەکا سیاسی و مسۆگەرکرنا وێ یهكێ کو ناسنامەیا کوردی ل دادگەھێ یا ئاماده یه و ووسا بگههه تهڤاهییا جیهانێ.
لێ تشتێ کو قەومی جودا بوو.
دەما کو روونشتنێن دادگههكرنێ دەست پێ کرن، د. مهحموود عۆسمان ب گرنگییهك مەزن ڤه دیمەن شۆپاند، ب ھێڤییا وێ كو ببینە ئۆجالان ژ ناڤا قەفەسا تهوانباریێ یێ ب کوردی دئاخڤە، دا کو دۆز ب زمان و ناسنامەیا خوە بگههه جیھانێ.
د. مهحموود عۆسمان دبێژه:
“من ھێڤی دکر کو ئەز وی ژ ناڤا قەفەسا تهوانباریێ ببینم كو ب کوردی بئاخڤە، دا کو جیھان دەنگێ دۆزا کورد ب زمانێ خوە ببھیزە. لێ ئەز حێبهتی مام دەما من دیتی کو ئەو یێ ب ترکی رحهت دئاخڤە؛ ئەو مینا بلبلەکی د قەفەسێ دە ب تركی د ئاخڤی.”
دبە کو ئەڤ ھەڤۆک ب تەنا سەرێ خوە ئالیەکی پارادۆکسا دادگههكرنا ئیمرالیێ د ناڤا خوه ده ههلدگره: زلامەک د ناڤا قەفەسا تهوانباریێ دە، لێ دەنگێ وی ھەول ددا تهنێ کو ژ سینۆرێن قەفەسێ دهرباسی دادگەھێ ببە.!
ھەڤۆکا د. مهحموود عۆسمان، ژی “وەک بلبلێ د قەفەسێ دە”، وێنەیا ھەره کورت و كاریگهر یا وی دیمەنی یه. دەنگەک ژ پشت ئاسنێن گرتیگەھێ دخوینیت، د دادگههكرنهكێ دە کو نە تەنێ دادوەری بوو، لێ د ھەمان دەم دە رووبرووبوونەک بوو ل سەر زمان، ناسنامە و ڤەگۆتنا سیاسی ژی.
