سەرۆکاتیا ھەرێما کوردستانێ ئیرۆ، یەکشەمێ (11ێ جۆتمەھا 2026ێ)، داخویانیەکە فەرمی بەلاڤ کر و تێ دە ئێریشا ل سەر فرۆکخانەیا ناڤدەولەتی یا شاھ خالد یا ل ریازا پایتەختا عەرەبستانا سعوودیێ ب توندی پووچ و شەرمەزار کر.
ل گۆری داخویانیا سەرۆکاتیێ، د ئەنجاما ڤێ ئێریشا کو رۆژا شەمیێ روو دابوو دە، ھندەک وەلاتیێن سڤیل بوونە قوربانی و بریندار بوونە. سەرۆکاتیێ ھەڤخەمی و سەرساخیا خوە ئاراستەیی سەرکردایەتی، حکوومەت و گەلێ شاھنشینا عەرەبستانا سعوودیێ و مالباتێن قوربانیان کر و ھێڤیا چێبوونێ ژ بۆ برینداران خوەست.
د داویا داخویانیێ دە ھات تەکەزکرن کو دڤێت جانێ سڤیلان ل ھەرێمێ بهێت پاراستن و ئالۆزی بێنە راوەستاندن. ھەر وھا سەرۆکاتیا ھەرێما کوردستانێ پشتگریا خوەیا تەمام ژ بۆ ئاساییش، ئەولەھی و ئارامیا عەرەبستانا سعوودیێ و تەڤاھیا ھەرێمێ نیشان دا.
