دەستەیا یاسایی یا ئەنجوومەنا نشتمانییا کوردی ل سووریەیێ (ئەنەکەسێ) ب ئامادەبوونا سەرۆکێ ئەنەکەسێ محەمەد ئیسماعیل ل نڤیسگەھا پەدەکە-سێ یا ل قامشلۆیێ جڤیا. د جڤینێ دە ئەنجامێن دانوستاندنێن داوی یێن شاندەیا وان یا ل شامێ ھاتن نرخاندن و گاڤێن نوویێن قانوونی ھاتن دەستنیشانکرن.
بریارا سەرەکی یا ڤێ ھەڤدیتنێ، ئاڤاکرنا کۆمیتەیەکا تایبەت بوو ژ بۆ شۆپاندن و لێکۆلینکرنا دۆسیایا دیرۆکی یا “کەمبەرا عەرەبی” و جیبجیکرنا پیڤانێن دادوەریا ڤەگوھێز. د ھەمان دەمێ دە، رۆلا پارلامەنتەرێن کورد یێن د مەجلیسا گەیا سووریەیێ دە و میکانیزمایا چالاکیا وان یا ژ بۆ پاراستنا مافێن نەتەوەیی ھاتن گۆتووبێژکرن. ئەنەکەسێ بریار دا کو ژ بۆ پێشخستنا پرۆژەیەکا ھەڤپار یا دەستووری د پاشەرۆژێ دە کۆمخەباتێن یاسایی پێک بینە.
ژ ئالیێ خوە ڤە، سەرۆکێ ئەنەکەسێ محەمەد ئیسماعیل رۆناھی خستە سەر رەوشا سیاسی یا سووریەیێ و رۆژئاڤایێ کوردستانێ. ئیسماعیل تەکەز کر کو گرینگە خەباتێن سیاسی و یاسایی ل گۆری داخواز و حەساسیەتێن ڤێ قۆناغا حەساس ب ھەماھەنگیەکا خورت برێڤە بچن.
