سەرۆکوەزیرێ ھەرێما کوردستانێ مەسروور بارزانی ئیرۆ، 13ێ جۆتمەھا 2026ێ، ل ھەولێرا پایتەخت پێشوازی ل شێورمەندێ سەرۆکاتیا کۆمارا سووریەیێ مەزلووم عەبدی کر. د جڤینێ دە گەشەپێدانێن داوی یێن ل ھەرێمێ و پێشەرۆژا پەیوەندیێن ناڤبەرا ھەولێر و شامێ ھاتن نرخاندن.
ل گۆری داخویانیا فەرمی یا کو ژ ئالیێ حکوومەتا ھەرێما کوردستانێ ڤە ھات بەلاڤکرن، د ھەڤدیتنێ دە گۆتووبێژێن بەرفرەھ ل سەر رەوشا گشتی یا سووریەیێ، گوھەرتنێن سیاسی یێن داوی و سەقامگریا ھەرێمی ھاتن کرن.
د بەشەکا دن یا جڤینێ دە، ھەر دو ئالیان تەکەزی ل سەر گرینگیا پاراستنا ئاشتی، ئەولەھی و سەقامگریا ناڤچەیێ کرن. ھەر وھا ھات دەستنیشانکرن کو د چارچۆڤەیا دەستوورەکێ نوو دە، مسۆگەرکرن و گارانتیکرنا مافێن نەتەوەیی یێن کوردان و تەڤاھیا پێکھاتەیێن دن یێن ل سووریەیێ مەرجێ سەرەکییە ژ بۆ پەیداکرنا ئارامیا دۆمدار.
