ئەنجوومەنا نشتیمانی یا کوردی ل سووریێ (ئەنەکەسە) دەربارێ رەخنەکرنا ڤەخوەندنێن دیدارا مێری دە داخویانیەک بەلاڤ کر و نەرازیبوونا خوە نیشان دا کو ئالیێن سەرەکی و رەسەن یێن تەڤگەرا سیاسی یا کوردی ل رۆژئاڤایێ کوردستانێ د دیدارێ دە ل بەر چاڤان نەھاتنە گرتن.
د داخویانیێ دە ھاتە دیارکرن کو دڤیابوو ڤەخوەندنێن ژ بۆ دیدارا مێری ل سەر ئەساسێ پرەنسیبا ھەڤسەنگی و گشتگریێ ھاتبا ئاڤاکرن و تەڤایا ئالیێن سیاسی یێن کوردی، د سەری دە ژی ئەنەکەسە و پارتیێن دن، ل خوە بگرتا. ئەنەکەسێ دەستنیشان کر کو پاشگوھکرنا ئالیەکی سیاسی یێ سەرەکی کو نوونەرتیا داخوازێن ملەتێ کورد دکە، پەیامێن نەرێنی ددە رایا گشتی و خزمەتا دیالۆگا بەرپرسانە ناکە.
د ھەمان داخویانیێ دە، ئەنەکەسێ گوھدان و شۆپاندنا بارەگەھا بارزانی یا ل سەر ڤێ پرسێ و ھەلوەستا وان یا ژ بۆ راستکرنا ڤێ کێماسیێ بلند نرخاند. ھەر وھا ھاتە ب بیر خستن کو بارەگەھا بارزانی دوھ د داخویانیەکێ دە دیار کربوو کو ص پێوەندیا وان ب دیدارا مێری 2026 تونەیە و رەخنە ل کێماسیێن پرئالیتیا سیاسی و نوونەرتیا دۆزا گەلێ کورد د دیدارێ گرتبوو.
