رێخستنا په‌كه‌كێ دێ ناسنامه‌یێن هه‌ژماره‌كه مه‌زن یا چه‌كدارێن خوه راگهینه كو د سالێن به‌رێ ده جانێ خوه ژ ده‌ست دا نه و مرنا وان ڤه‌شارتی هشتییه.
مورات كارایلان سه‌ركرده‌یێ په‌كه‌كه‌یا هلوه‌شیایی دوهـ رۆژا سێشه‌میێ 20 جۆتمه‌ها 2026ێ راگهاند كو د مه‌هێن پێش مه ده، دێ ناسنامه‌یێن سه‌دان چه‌كدارێن دن یێن ته‌ڤگه‌رێ وه‌رن راگهاندن یێن كو د سالێن به‌رێ ده جانێ خوه ژ ده‌ست دا نه و گۆت:
“دێ شەھادەتێن مایی یێن تێکۆشینا ئازادیێ بێن راگھاندن، تێکۆشینا کو ب پێشەنگییا شەھیدێن قەھرەمان ھاتە مەشاندن ل کوردستانێ دەستکەتیێن مەزن ئافراند” !!.
مورات كارایلان ناسیار ب جه‌مال دبێژه: “هه‌ر شه‌هیده‌كی داستانه‌ك ئافراند و گهیشت شه‌هاده‌تێ”.
مورات كارایلان هن هنجه‌تێن بێی بنگه‌هـ و بێ واته ژ بۆی ده‌ره‌نگ خستنا راگهاندنا ناڤێن شه‌هیدێن په‌كه‌كێ ئانین زمان و گۆت:
وەکە ھوون دزانن مە بەریا ڤێ ل باکورێ کوردستانێ ناسنامه‌یێن 749 ھەڤالان راگهاند، ل باکور تازی ھاتن دانین. ئه‌و د ده‌م و جیهێن جودا ده شه‌هید كه‌تبوون. مە گەلەک شەھید د وەختێ دە ئیلان کر. لێ بەلێ مە ھەموو نکاریبوو بکرا. ژ بەر ئەولەکاریا ھەڤالان موخابەرە ھاتە راوەستاندن. ئاگاھی دەرەنگ دھاتن. ل ئالیەکی شەر دەوام بوو، شەھیدێن نوو ھەر تم ھەبوون. ھن شەھید وسا مان. وێ دەمێ نەھاتە ئیلانکرن. سەدەمێ خوە ئەڤ بوو. ئەولەکاری بوو، ئاگاھی دەرەنگ دھات و یەک ژی بن ھەڤ دە ما، ژ بۆ وێ ئەڤ شەھیدێن کو د وەختێ دە نەھاتە ئیلانکرن ئەم نھا رادگھینن.
كارایلان ده‌ربارێ شه‌هیدێن مایی دبێژه: وەکە من گۆت، یێن باکور مە ھەموو راگھاندن. نھا ئەم دخوازن یێن بەشێن دن ئانگۆ رۆژئاڤا، باشوور، شەنگال، رۆژھلات راگھینن. ژ خوە یێ رۆژئاڤا 19 ھەڤالێن ل دێرک، گرکێ لەگێ ھاتن راگھاندن و بیرانینا وان چێبوویە. نھا ھین 157 ھەڤال مانە. ئەڤ ژی ژ دەڤەرێن دنە.
كارایلا ئاشكه‌ره كر د رۆژێن پێش مە دە وێ بێن راگھاندن. جارەکە دنێ ل شەنگالێ 8 عەگیدێن مە ھەنە. یێن باشوورێ کوردستانێ 21 عەگیدێن مە، شەھیدێن مە ھەنە. ویێن رۆژھلاتێ کوردستانێ ژی 78 قەھرەمانێن مە، شەھیدێن مە ھەنە. ئەمێ ڤان د ناڤا ڤێ مەھێ و مەھێن پێش مە دە ھەموویان راگھینن و ب رایا گشتی رە ژی پارڤە بکن.
رێخستنا په‌كه‌كێ ژ ده‌ستپێكا خوه ڤه ناڤێن چه‌كدارێن خوه یێن كو به‌رێ وان ددا مرنێ، ڤه‌شارتی دهشت و پاش ده‌رباسبوونا سالێن درێژ ژ نوو ڤه دهات و دگۆت مه ئه‌وقاس هه‌ڤالێن خوه یێن ئاپۆیی وه‌ندا كرن.
جه‌مال ئیرۆ هاتییه قالا له‌هه‌نگییا شه‌هیدان دكه و دخوازه سه‌ده‌مێن خوه یێن بێی بنگه‌هـ یێن ده‌ره‌نگ ئیلانكرنا ناسنامه‌یێن شه‌هیدان ب مالباتێن وان یێن به‌له‌نگاز بده قه‌بوول كرن.
مورات كارایلان دبێژه: هه‌ر شه‌هیده‌كی داستانه‌ك ئافراند، به‌لێ جه‌مال راست دبێژه، شه‌هیدان داستان ئافراندن، لێبه‌لێ ته‌نێ ئه‌و و رێڤه‌به‌رییا په‌كه‌كێ و رێبه‌رێ وان یێن ته‌سلیبموویی مان كو ت تشته‌ك نه‌ئافراندی.
وان خوه ل پشت زارۆك، كه‌چ و خورتێن كوردان ڤه‌شارت، وان به‌رێ 50 هه‌زار جوانان دا مرنێ و ل داویێ ته‌سلیم بوون، نه ته‌نێ ته‌سلیم بوون، هێڤی و رجا ژی ژ ده‌وله‌تێ دكن ژ بۆ كو وان عه‌فۆ بكن!!.
سته‌ما كو په‌كه‌كێ ل جوانێن كوردان كری ئه‌ڤه، ئه‌و مه‌حكوومی دو تشتان كرن، یان ب ده‌ستێ ئارتێشا ترك وه‌رن قه‌تل كرن یان ببن قاتلێن كوردان.
جه‌مال ئیرۆ تێ و قالا داستانێن شه‌هیدان دكه دخوازه له‌هه‌نگییا وان ژ بۆی خوه و رێبه‌رێ خوه حه‌ساب بكه، لێ د راستی ده ئێدی گه‌ل نایێ خاپاندن، كورد دزانن كی شه‌ر كر، كی جانێ خوه فه‌دا كر ژ بۆ كو نه‌كه‌ڤه ده‌ستێ دژمن و باش ژی دزانه كی ترسنۆكه و كی خوه ل پشت وان له‌هه‌نگان ڤه‌شارت، ژ خوه ته‌سلیمبوونا وه و خاپۆ نیقاشا هه‌ر جڤات و هه‌ر ده‌رێ یه.
