خوینا جوانێن كوردان ل چ ده‌مه‌كێ واته‌یا خوه ل جه‌م په‌كه‌كێ تونه بوو، په‌كه‌كێ ب ته‌ڤاهییا دیرۆكا خوه و شه‌رێ خوه یێ ساخته كه‌چ و خورتێن كوردان وه‌كه ئامووره‌كی بكارئانینه و گاڤا كو پێویست دبوو د ئاڤێتن به‌ر ره‌حما دژمنێ هۆڤ.
رێخستنا په‌كه‌كه‌یا هلوه‌شیایی دوهـ رۆژا چارشه‌می 21 جۆتمه‌ها 2026ێ ناسنامه‌یێن پێتری 170 چه‌كدارێن خوه راگهاندن كو د سال و مه‌هێن به‌رێ ده ژیانا خوه ژ ده‌ست دا نه و مرنا وان ڤه‌شارتی هشتبوو.
مورات كارایلان ئه‌ڤ یێك ئیلان كر و گۆت: “ئاگاهی ده‌ره‌نگ د گیهیشتن مه، لوما ژی مه‌نكاری بوو ناڤێن وان د ده‌ما خوه ده ئیلان بكن”!.
په‌كه‌كێ ئه‌ڤ جوان خاپاندن، به‌رێ وان دا مرنێ و ئیرۆ هاتییه د په‌سنێ وان ده دبێژه: “ئه‌و ملیتانێن مه یێن ئاپۆیی بوون، فه‌دایێ ئاپۆ بن”!.
د مه‌راسیما بیرئانینا وان ده ژی په‌كه‌كێ وێنه‌یا عه‌بدوللا ئۆجالان رێبه‌رێ خوه یێ ته‌سلیمبوویی خستیه ناڤا وێنه‌یێن شه‌هیدان ده هه‌ر وه‌كه ئۆجالان شه‌ر كرییه، خوین دا یه و شه‌هید كه‌تییه!!
ئۆجالان ب ته‌ڤاهییا ژیانا خوه یێك فیشه‌ك ژی ب روویێ دژمن ده نه‌ته‌قاندیه، ئه‌و چیایێن كوردستانێ ناس ناكه، ئه‌ڤ ئاگاهی ب فه‌رمی ژ هێلا به‌سێ هۆزات هه‌ڤسه‌رۆكا په‌كه‌كه\كه‌جه‌كه یا هلوه‌شیایی ڤه هات گۆتن، لێ په‌كه‌كه هێژان ژی هه‌ول دده ته‌سلیمییه‌تا ئۆجالان و ترسنۆكییا وی ب دانینا وێنه‌یا وی د ناڤا وێنه‌یێن شه‌هیدان ده ڤه‌شێره.
دڤێ وێنه‌یێن ئؤجالان ل كێله‌كا وێنه‌یێن خائین و بكوژێن زارۆكێن كوردان وه‌ره دانین
ئه‌و ده‌ر قه‌ت لاییقی وێنه‌یا ئاپۆ نینه، دڤێ وێنه‌یا خاپۆ یێ كوڕێ عوه‌یشێ ل كێله‌كا وێنه‌یێن خائین و بكوژێن زارۆكێن كوردان وه‌ره دانین. دڤێ وێنه‌یێن ئاپۆ ل وێ ڤێلایێ وه‌رن دانین یا كو ده‌وله‌تا ترك پێش كوشتنا وان جوانان ڤه، پێش فرۆتنا دۆزا كوردان ڤه ب دیاری پێشكێشی وی كری.
ب درێژاهییا دیرۆكا كوردان چ ده‌وله‌تێن داگیركه‌ر، چ دژمنه‌كی كوردان و چ پارتی و ته‌ڤگه‌ره‌كێ ب قاسی په‌كه‌كێ و رێبه‌رێ وێ عه‌بدوللا ئۆجالان كورد نه‌خاپاندنه، كه‌چ و خورتێن كوردان نه‌كوشتنه و كوردستان نه‌فرۆتنه.
رێخستنا په‌كه‌كێ ژ ده‌ستپێكا شه‌رێ خوه یێ چه‌كداری ڤه پێتری 50 هه‌زار گه‌ریلا و شه‌رڤان ژ زارۆك و كه‌چ و خورتێن كوردان دانه كوشتن، ل داویێ ژی گۆت: “كوردستان، نه‌ته‌وه‌یا كورد و ده‌وله‌تا كوردی ت واته‌یا خوه نینه، چاره‌سه‌ری ئه‌نته‌گراسیۆنه و حه‌لیانا د ناڤا ده‌وله‌تێن داگیركه‌ر ده یه”.
ئۆجالان 50 هه‌زار جوانێن كوردان دانه كوشتن و پشتی 43 سالان ده‌ركه‌ت و ب دو ئاخافتنان ته‌ڤگه‌ر خوه یا خاپۆچی و دژه كورد هلوه‌شاند، وی قه‌ت ت داخوازیه‌ك بۆ كوردان، بۆ مالباتێن شه‌هیدن بۆ زارۆكێن كوردان نه‌كر، وی ب رووقایمی ڤه گۆت: “ئارمانجا من چ جاره‌كێ كوردستان نه‌بوویه، ئه‌ز دخوازم كومارا تركیه‌یێ بهێز به، ئۆجالان ئه‌ڤ هه‌موو نه‌هامه‌تی ئانین سه‌رێ كوردان ب یێك ئاخافتنێ ژی داخوازا لێبۆرینێ ژ دایكێن شه‌هیدان نه‌كر”.
