پاسدارێن ئیرانێ: ل سینۆرێ رۆژئاڤا شانەیەکا پژاکێ ھاتە ژناڤبرن

پاسدارێن ئیرانێ: ل سینۆرێ رۆژئاڤا شانەیەکا پژاکێ ھاتە ژناڤبرن

ئاژانسا نووچەیان یا ئیرانێ مێھر نیوز راگھاند کو ھێزێن بەژایی یێن پاسدارێن ئیرانێ ل سەر سینۆرێ رۆژئاڤایێ وەلات ئۆپەراسیۆنەک ل دژی ئەندامێن پارتیا ژیانا ئازادا کوردستانێ (پژاک) پێک ئانینە. ل گۆری داخویانیێ، د ئەنجاما پەڤچوونێ دە شانەیەکا کو ئامادەکاریا چالاکیان دکر ھاتیە تێکبرن.

د داخویانیا فەرمی یا بارەگەھا بەژایی یا نەجەف ئەشرەف دە ھات دیارکرن کو کۆما ناڤبۆری ژ ئالیێ یەکینەیێن ئیستیخباراتێ ڤە ھاتیە شۆپاندن، دەما کو پلان دکر دەرباسی ناڤا ئاخا ئیرانێ ببە. ئۆپەراسیۆن پشتی شەرەکی د ناڤبەرا ئەندامێن پژاکێ و لیوایا کۆماندۆیا ئەنسار ئەل-رەسول دە ھاتیە ئەنجامدان.

د داویا داخویانیێ دە ھەر وھا ھاتە دەستنیشانکرن کو د ئەنجاما ئۆپەراسیۆنێ دە گەلەک چەک، ئالاڤ و تەقەمەنیێن کو عایدی وێ کۆمێ بوون ژ ئالیێ ھێزێن ئەولەھیێ ڤە ھاتنە دەستەسەرکرن.