ل ئیمرالیێ هەڤدیتنێن نهێنی: مەرجێ تركیه‌یێ یێ تەمامکرنا پێڤاژۆیێ گارە و خواکورکه‌

Ocalan-Turkey-Imrali-net

ل ئیمرالیێ پێشكه‌تنێن نوو هه‌نه‌، رێبه‌رێ په‌كه‌كه‌یا هلوه‌شیایی د چارچووڤه‌یا ئه‌ركا خوه‌ یا نوو كۆمسیۆنا بێچه‌كرنێ ده‌ هن جڤین ئه‌نجام دا نه‌ كو رایا گشتی ژێ بێخه‌به‌ره‌، ده‌وله‌تا ترك ژی پاقژكرنا گاره‌ی و خاكوركێ ب مه‌رجێ ته‌مامكرنا پرۆژه‌یا تركیه‌یا بێی ته‌رۆر ده‌ستنیشان كرییه‌.

نڤیسکارا رۆژنامەیا نەفەسێ “نورای باباجان” ئیدیعا کر کو د دەربارێ داخوازا سەرۆکێ په‌كه‌كێ عه‌بدوللا ئۆجالان یا ژ بۆ ھەڤدیتنا ب رۆژنامەڤان، سیاسەتمەدار و ئاکادەمیسیەنان رە پێشکەتنەک چێبوویە. باباجان گۆت، “ل گۆری ئیدیعایەکێ، ھن سەردان ھاتنە کرن کو رایا گشتی ژێ بێخەبەرە!”

رۆژنامه‌یا نه‌فه‌س به‌لاڤكرییه‌ كو عه‌بدوللا ئۆجالان بەرێ ل ئیمرالیێ ب رێبەرێن په‌كه‌كێ یێن وەکی سابری ئۆک، بەسێ ھۆزات، جەمیل باییک، دوران کالکان، ھیلین ئومیت و راپەرین دەرسیم رە جڤیابوو. پشتی ڤان ھەڤدیتنان، کو ھەم ژ ھێلا په‌كه‌كێ و ھەم ژی ژ ھێلا دەولەتێ ڤە ڤەشارتی مان، سەردانێن ئیمرالیێ ھین نەپەنیتر بوون.

ده‌ستنیشان كر كو ھەر دو ئالی ژی ھەولەک تایبەتی ددن دا کو رەوشا گشتی یا ئیمرالیێ د چاڤێ رایا گشتی دە نەیێ نیشاندان.

نڤیسا نورای باباجان، کو بەحسا تشتێن کو د ناڤ دەردۆرێن سیاسی یێن ئەنقەرێ دە دەربارێ پێڤاژۆیا ئاشتیێ دە تێنە نیقاشکرن دکە، وھایە:

“تەڤی داخویانیێن کو دبێژن 10 شکەفتێن نێزیکی سینۆرێ ترکیەیێ ژ ئالیێ په‌كه‌كێ ڤە ھاتنە ڤالاکرن، تێ گۆتن کو دەپۆیێن سەرەکە یێن مەزنێن چەکان ل ھەرێمێن گاره‌ و خاکورکێ نە، و دەولەتا ترکیەیێ گرینگیەکە مەزنتر ددە تەسلیمبوونێ ل ڤێ ھەرێمێ.

تێ گۆتن کو راپۆرەک ل سەر تەمامکرنا پێڤاژۆیێ تەنێ پشتی پاقژکرنا وێ ھەرێمێ دکارە وەرە دایین.

دەنگێن جودا یێن دەربارێ تەسلیمکرنا چەکان دە قەت نایێن حەسباندن. داخویانیێن وەکی ژ بۆ رەوشێن ئاوارتە ھشتنا ھەری کێم ھن چەکێن په‌كه‌كێ ل سەرانسەرێ سینۆر نایێن قەبوولکرن. تێ گۆتن کو ھنجەتێن کو ب ھنجەتا شەرێ ئیرانێ تێنە چێکرن نایێن قەبوول کرن.

رۆژنامەیا “نەفەس” دبێژه‌، ل ئیمرالیێ عه‌بدوللا ئۆجالان چوویه‌ ئاڤاھیەک نوو و د بن ناڤێ کۆمیسیۆنا بێچەککرن و دابەشکرنێ دە دەست ب خەباتێ کریە. ل گۆری ھن، ئاگاھدارییان کو گرتیێن نوو ژ بۆ کۆمیسیۆنا بێچەککرن و سیاسیکرنێ ئانینە گراڤێ ژی ژ ھێلا سیاسەتمەداران ڤە ھاتیە پارڤەکرن. ھەر ئاگاھییا کو ھاتیە پارڤەکرن “باندۆر و بەرتەکا ڤێ یەکێ د رایا گشتی دە ژ ھێلا دەولەتێ ڤە تێ پیڤاندن.

 تێ ئانالیزکرن کو ھەتا نھا تو دژبەریەکە گرینگ چێنەبوویە. د رۆژەڤێ دە کریزێن ئەوقاس کوور ھەنە کو کەس نەکارییە ڤێ مژارێ چارەسەر بکە! نھا، ئحتیمالا ھەڤدیتنا ئۆجالان ب رۆژنامەڤان، سیاسەتمەدار و ئاکادەمیسیەنان رە ژ بۆ نیقاشێ ھاتیە ڤەکرن. ل گۆری ئیدیعایەکێ، ھن سەردان بێیی ئاگاھدارییا رایا گشتی ھاتنە کرن!