ئامەریکا قەبوول دکەت کو ب بھایێ 735 میلیۆن دۆلاران چەکێن پێشکەفتی بفرۆشیتە ئیسرائیلێ

مەدیایا ئامەریکی رۆژا دوشەمبی، 17ێ گولانا 2021ێ، ئاشکەرا کر کۆچکا سپی قەبوول کریە کو چەک و جەبلخانەیێن پێشکەفتی ب بهایێ 735 میلیۆن دۆلاران بفرۆشیتە ئیسرائیلێ.

رۆژنامەیا واشنگتۆن پۆست، ژ زارێ ژێدەرێن پایەبلندێن ئامەریکی راگھاند، کو رێڤەبرییا سەرۆک جۆ بایدن رازی بوو کو ب بوهایێ 735 میلیۆن دۆلاران چەکێن پێشکەفتی بفرۆشیتە ئیسرائیلێ.

واشنگتۆن پۆست ئاشکەرا کریە کو د پێنجێ ڤێ مەھێ دا کۆچکا سپی دەربارێ رێکەفتنا فرۆتنا چەکان ب ئیسرایلێ، کۆنگرێس ئاگاھدار کریە.

ل گۆری ڤان چاڤکانیان، مژارا ڤێ رێکەفتنا چەکان د 5ێ گولانا 2021ێ دا، چەند رۆژان بەری دەستپێکرنا پەڤچوونێن ل غەزەیێ، هاتیە ئیمزا کرن.

هەرچەند کو حکوومەتا بایدن رازی بوو کو چەکان بفرۆشیتە ئیسرائیلێ، لێ رۆژا یەکشەمبی جۆ بایدن راگهاند کو حکوومەتا وی د گەل فلستینێ و ئیسرائیلێ دا کار دکەت کو ئاگربەستەکا ماییندە پێک بینیت. جۆ بایدن دەستنیشان کر کو ھەر دو لایەن هەژینە کو د ئەولەھی و ئاشتیێ دا بژین.

“جۆ بایدن گۆت، دەولەتێن یەکبوویی دێ فلستینێ، ئیسرائیلێ و پارتیێن دی یێن ل ھەرێمێ هاندەت کو ژ بۆ ئاشتیەکا ماییندە کار بکەن”.

ھەشت رۆژن شەرێ ناڤبەرا ئیسرایل و رێخستنێن چەکداری یێن غەزەیێ بەردەوامە و ھەر دو ئالیان ب مووشەک و بۆمبەبارانا زەمینی و ئاسمانی رووبروویی ھەڤ بوونە.