ل سووریێ پەیمانا ئاگربەستێ یا 18ێ چلەیا 2026ێ: پەکەکێ ئیخانەتا ھەری گران ل ملەتێ کورد کر!
د 18ێ چلەیا 2026ێ دە، پەیمانا 14 ماددی یا د ناڤبەرا سەرۆکێ سووریەیێ یێ دەمکی ئەحمەد شەرع و فەرماندارێ گشتی یێ ھێزێن سووریا دەمۆکراتیک (ھەسەد)ێ مەزلووم عەبدی دە ھاتە ئیمزەکرن.
ئەڤ پەیمان ل سەر کاغەزێ دبێژە “ئاشیتی و یەکیتی”، لێ د راستیێ دە ئیخانەتا ھەری مەزنا پەکەکێ ل ملەتێ کوردە: خەونا خوەسەریا رۆئاڤا (کوردستانا رۆئاڤا)، ب خوینا ب ھەزاران جوانێن کورد ھاتە فەدا کرن و د داویێ دە رادەستی رەژیما شامێ یا دیفاکتۆ و کۆمێن ئیسلامی یێن رادیکال (وەکی داعش، ئەل قاعیدە، ئەل نووسرە و ھەتەشێ) ھاتە کرن.
چاوا پەکەکێ ئەڤ فرسەندا کوردان رادەست کر؟
ژ سالا 2011ێ ڤە، کورد د بن زۆردەستیا رەژیما ئەسەد دە بوون و فرسەندەکا خوەسەریێ دەرکەت بەر وان. لێ پەکەکێ ئەڤ فرسەند ب ئایدۆلۆژیا خوە یا “کۆنفەدەرالیزما دەمۆکراتیک”ێ (کو یەکیتیا نەتەوەیی رەد دکە) پێشی لێگرت. دەما ئامەریکایێ گۆت: “یەکیتیا خوەیا ملی ئاڤا بکن، ئەم دێ پشتگریێ بدن وە”، پەکەکێ رەد کر و گۆت: “ئەم نە تەڤگەرا نەتەوەیی نە، ئەم تەڤگەرا دەمۆکراتیکن.” ب ڤی ئاوایی ھەسەدە د سالا 2015ێ دە ھاتە ئاڤاکرن، لێ د بن کۆنترۆلا کادرۆیێن پەکەکێ دە ما. کوردێن موخالیف یێن وەک مەشعەل تەمۆ ھاتن رەدکرن و کوشتن، عەشیرێن عەرەب (ھندەک ژ وان لگەل داعشێ تێکلدار) ھاتن کرن ھەڤکار و ئیرادەیا کوردێن رۆئاڤایێ کوردستانێ ھاتە بنپێکرن.
مەزلووم عەبدی و کادرۆیێن دن بریارێن خوە ل بن پۆرترەیێن عەبدوللا ئۆجالان دگرتن. جھەکی مەجبووری ھاتە فەرزکرن، کوردێن دژبەر ھاتن کوشتن، ئالۆزیێن ئەتنیکی ھاتن زێدەکرن. د 10ێ ئادارا 2025ێ دە پەیمانا ئەنتەگراسیۆنێ ھاتە ئیمزەکرن – ئەڤ ژی ب زۆرا ترکیێ بوو و چ مافێ سیاسی یێ کوردی تێ دە تونە بوو. د چلەیا 2026ێ دە شەرێن گران ل حەلەب، رەققا و دێرازۆرێ دەرکەتن ھۆلێ؛ ھەسەدە تێک چوو، سڤیل وەکی مەرتالێن مرۆڤی ھاتن بکارئانین، زارۆکێن لەشکەری ھاتن شاندن ژ بۆنا مرنێ. پەکەکێ ب دەرەوڤە گۆت “بەرخوەدان”، لێ د داویێ دە تەسلیم بوو.
حەسەکێ و دێرەزۆر رادەست کرن. ب دەهان هەزار کورد جارەک دن کۆچبەر بوون. ب ھەزاران بریندار، رەڤاندی و کوژتی. لێ مەزلووم عەبدی ھین ژی دبێژە ھێزا مە یا لەشکەری ھەیە و ئەم خورتین. باشە ئەگەر ھەبە ئەو ھێزەک وە، ژ بۆنا چیە؟ وە ھەموو دەستکەڤتن بێ شەر رادەست کرن. ئەو ھێزا وە یا پربچەک ژ بۆنا کیژان رۆژێیە؟
مادەیێن پەیمانا ئاگربەستێ
ئاگربەست و کشاندنا ھێزێن ھەسەدێ ژ رۆژھلاتێ فراتێ و
دەرەوێن “قەھرەمانیا” پەکەکەیێ یا سەختە دییار بوو:
رادەستکرنا دێرازۆر، رەققا، حەسەکێ و بنگەھێن نەفتێ، گازێ، دەریێن سینۆری.
ئەڤ ھێلا ئابۆری یا کوردێن رۆئاڤایێ کوردستانێ ھاتە رادەستکرن کو بەرێ ئەڤ چاڤکانی ژ بۆ چەکێن ھەسەدێ دھاتن بکارئانین.
ئەنتەگراسیۆنا کەسانە، بێچەککرنا کۆبانێ
ھێزێن چەکداری تێن بەلاڤکرن، کادرۆ تێنە تەسفیەکرن.
دەرخستنا پەکەکێ ژ رۆژئاڤا و باکورێ سوورییەیێ. دێ پەکەکە ژ ھەرێمێ هێت دەرخستن، لێ خوینا کورد مایە ل سەر ئەردێ.
رادەستکرنا گرتیێن داعشێ، مافێن چاندی/زمانی
ژ خوەسەریێ تەنێ پارچەیەک ما؛ چ ستاتوویا سیاسی تونەیە!
ئەڤ پەیمان بەدەلا نەخوەشیا ئیدەۆلۆژیکا پەکەکێ یە:
کورد پارچە کرن، سەرکەفتن ئاستەنگ کرن و د داویێ دە رادەستی تەرۆریستێن ئیسلامی و شامێ کرن. سەرۆکێن پەکەکێ ل ئەورۆپایێ د ژیانەکە لوکس دە دژین، لێ جوانێن کورد د جەپھەیێ دە دمرن.
ئەنجام و بانگەوازی ژ گەلێ کورد رە
ئەڤ پەیمان نە تەسلیمیەتە، لێ فرسەندەکە رزگاریێیە ژ زنجیرێن پەکەکێ. پەکەکێ رەد بکن! رێبەرێن کوردێن راستین دەرخن ھۆلێ و د سووریێ دە ژ بۆ وەکھەڤیێ، روومەت و مافێن خوەیێن رەوا تێبکۆشن. ئیخانەتا ب خوینا کوردان ھاتە کرن، دێ د دیرۆکێ دە وەرە حەسابکرن. گەر ملەتێ کورد ژ ڤان دەرەوێن قەھرەمانیێ رزگار ببە، سەرکەفتنا راستین دێ ب دەست بخن.
