نەورۆزا 2026ێ بۆ کوردان جەژنەکا راستەقینە بوو. لێ هندەک خێرنەخوازان نەکارین ڤێ یەکێ قەبوول بکن و هەولدان ڤێ شاهیێ بكهنه شینی.
د 24ێ ئادارێ دا، دەولەتا ئیرانێ هێزێن پێشمەرگە کرن ئارمانج، 6 پێشمەرگە شەهید کرن و زێدەتری 30 پێشمەرگەیان ژی بریندار کرن. ئەم ل بەر هەموو شەهیدێن کوردستانێ ب رێزداری بەژنا خوە دتەوینین. پێشمەرگە کو ئەڤ سەدسالن ژ بۆ پاراستنا کوردان شەری دکەت، لهوماژی پێشمەرگە ب رەمزا شانازی، شەرەف، سەربلندی و مسۆگەرییا پاشەرۆژا گەلێ مه دهێته حهساب كرن.
ب سالانە، ئیران هێرشی کوردان دکەت و ب بههانهیا کو ئەو ل گهل ئامەریکا، ئیسرائیل و هێزێن جیهانی ههڤكارن. ئەو ب کوشتنا کوردان هێزا خوە ل دژی رۆژئاڤا نیشان ددهت. لێ، راستی ئەڤەیه ئەو کەسێن کوردان وەک هەڤکارێن ئامەریکایێ ب ناڤ دکهن، هەڤالبەندێن یەکەم یێن ئەمەریکایێ بوون ل ئیراقێ.
لێ بنێرن، کەسێ کو هوون د وێنەی دا دبینن ئەبو مەهدی ئەل-موهەندسە. ل سالا 2003ێ، ل سەر كهنالێ ئەل-عالهم یێ ئیرانی، وی پلانا ئامەریکا راڤە دکر ژا دێ چاوا ئێریشێ ئیراقێ کەت، وی دەمی ئەو وەک هەڤالبەند د ههژمارتن.
کەسێ د ڤێ وێنەی دا ژی نووری مالکی یە، رێبەرێ شیعەیێن رادیکال یێن ل ئیراقێ. ل تهنشتا وی (ریان ج. گرۆگکەر)، بالیۆزێ وی دەمی یێ ئامەریکایێ ل ئیراقێ یە. ل سالا 2008ێ، وی (رێككهفتنا رەوشا هێزان) کو مافێ ئهنجامدانا ئۆپەراسیۆنان ل قادا هەوایی یا ئیراقێ ب ئامەریکا ددهت، ئیمزا دکر.
واته، ئامەریکایێ، ئیران و سەرۆکێن میلیشیایێن شیعە یێن حهشدا شەعبی ئیناینه ئیراقێ. نها، هەم ئیران و هەم ژی پێکهاتەیێن وێ یێن ئیراقێ، حهشدا شەعبی، هەموو هەولێن خوە ددهن کو ب دزی ڤه ل گهل ئامەریکایێ دانوستاندنان بکهن.
ئەو درەو و دوروویاتییە ژ بۆ کەسێن کو هەر جورە پهیوهندییهكا ڤەکری، ڤەشارتی، یان نهراستهوخۆ ل گهل هێزێن ناڤدەولەتی ژ بۆ بەرژەوەندیێن خوە یێن شیعە قەبوول دکهن و کوردان ل سەر بنگەهێ هەڤکارییا دەرڤە وەکی دژمن رابگههینن.
کورد ژ بلی پاراستنا ئاخا خوە د ناڤا چ هەولدانێن تێکدەر دا نینن.
نە تەنێ ئیران، لێ د هەمان دەمی دا پێکهاتەیێن میلیشیایێن شیعە یێن حهشدا شەعبی ل ئیراقێ ژی ژ قەتلکرنا شەش پێشمەرگەیان بەرپرسیارن. دەما کو هێزێن بابلیۆن ل مووسلێ راستی هێرشێ هاتین، فەرماندارێ وێ رەیان کلدانی گۆت “ئەم بارزانی بەرپرسیار دبینین و ئەم دێ تۆلێ ڤهكهین.” لێ، هەرێما کوردستانێ و هێزێن پێشمەرگەی بهرهك ژی نەهاڤێتنە شیعەیێن ل ئیراقێ و نه ژی دەولەتا ئیرانێ. حەشدا شەعبی دژمناتیا خوە یا ل هەمبەر کوردان ب ڤی رەنگی رەوا دکەت. حەشدا شەعبی هەرێما کوردستانێ استفزاز دکەت کو وێ بکێشیتە د ناڤا مهیدانا شەری دا. ئەو دخوازن کوردان ژ ناڤ ببهن.
دڤێت کوردێن کو ب حهشدا شەعبی ڤه گرێدایینە هەلوەستا خوە زەلال بکهن. د سهركێشییا وان ده یهنهكه. رهیان کلدانی و قەیس خەزعەلی کو هەڤالبەندێن بافل تالابانی نە کو بافل کۆنگرەیا یهنهكێ ژی ل گهل وان ل دار خست، نها نێزیکی 500 هێرشێن ب درۆن و مووشەکان ل سەر هەرێما کوردستانێ برێڤە دبهن. پهیوهندییا بەردەوام یا بافل تالابانی ل گهل ڤان کەسان وی دکەته هەڤکارێ کوژەرێن پێشمەرگەیێن کوردستانێ.
کورد ب سەردەمەکێ هەستیار را روو ب روونە. پەیاما سەرۆک بارزانی ژ بۆ پیرۆزباهیێن نەورۆزا بۆننێ د بنگەهـ دا مانیفەستۆیەک بوو ژ بۆ دەربازکرنا ڤی دەمێ دژوار. ل وێرێ، سەرۆک بارزانی دیار کر کو یهكگرتن یهكانه تشتە کو دێ کوردان رزگار بكهت و راگهاند، “سەرکەفتن دێ د داویا داوی دا یا گەلێ مە بیت.”
شەهید:
رێبەر عهبدوللا.
زکری بەخشەشی.
رامین عادل
شەهاب بەخشەشی.
کەیوان موزهففەر.
پشتیوان مەلا مووسا.
شەهیدێن ڤێ رێیا سەرکەفتنێ نە.
سەد سالن پێشمەرگە تێکنەچوویە و تێکناچیت. بیرئانینێن وان دێ د رۆژێن ئازاد یێن پاشەرۆژا گەلێ کورد دا، هەردەم بژین. شەهید نامرن.
